დეკანოზი თადეოზ კაკალიაშვილი

დეკანოზი თადეოზ ნიკოლოზის ძე კაკალიაშვილი 1896 წელს ქუთაისის გუბერნიის, სოფელ წყნორში გლეხის ოჯახში დაიბადა. პირველდაწყებითი განათლება ოჯახში მიიღო, შემდეგ კი ქუთაისის სასულიერო სასწავლებელი დაამთავრა.

სასწავლებლის დასრულების შემდეგ სოფელ კურსებში მცხოვრებ ოლღა ბერეკაშვილზე დაქორწინდა, რომელთანაც 5 შვილი შეეძინა. XX ს-ის 20-იანი წლებში, როდესაც უღმერთო ხელისუფლება ანგრევდა ეკლესია-მონასტრებს, რეპრესიებითა და დახვრეტით უსწორდებოდა სამღვდელოებას. თადეოზს უფალმა მოუწოდა სასულიერო ცხოვრების გზაზე, რაზეც მას უარი არუთქვამს. იგი ჯერ დიაკვნად, შემდეგ კი მღვდლად აკურთხეს და თავის მშობლიურ სოფელში განამწესეს. ხელისუფლების წარმომადგენლები მრავალჯერ შეეცადნენ მამა თადეოზის შეშინებასა და დაპატიმრებას, მაგრამ იგი უშიშრად აგრძელებდა ღვთისმსახურებას და ქრისტეს სარ- წმუნოების ქადაგებას. თუმცა 1937 წლის რეპრესიებს ვერც იგი გადაურჩა, 21 დეკემბერს მოძღ-ვარი დააპატიმრეს და სისხლის სამართლის კოდექსის 58-10 (აგიტაცია, პროპაგანდა, რომელიც შეიცავს საბჭოთა ხელისუფლების დამხობის მოწოდებას) მუხლის საფუძველზე მიესაჯა 10 წლით თავისუფლების აღკვეთა. გადასახლებიდან დაბრუნებული მამა თადეოზი ერთხანს კოლმეურნეობაში მუშაობდა და ამით არჩენდა ოჯახს. 50-იანი წლების დასაწყისში დეკანოზ ნაუმ შავიანიძისა და თავისი ნათესავის, პროტოპრესვიტერ ნიკოლოზ ბერეკაშვილის თხოვნით კვლავ დაუბრუნდა ეკლესიას და ღვთისმსახურებას. მამა თადეოზი ქუთაისის „მწვანეყვავილას“ მთავარანგელოზთა სახელობის ეკლესიას მიაწერეს, რადგან ოფიციალურად მაშინ სოფლებში ტაძრები არ მოქმედებდა. მას ჩაბარებული ჰქონდა ტყიბულის რაიონის ზოგიერთი სოფელი, სადაც საეკლესიო წესებს (ნათლობას, ჯვრისწერას, წესის აგებას თუ პანაშვი „ს) აღასრულებდა, ხოლო საზიარებლად და წირვის ჩასატარებლად პერიოდულად ჩადიოდა ქუთაისში. დეკანოზი თადეოზი 1968 წლის 9 ნოემბერს გარდაიცვალა. მას წესი აუგო ქუთათელ-გაენათელმა მიტროპოლიტმა ნაუმმა (შავიანიძე) სამღვდელოებასთან ერთად. დასაფლავებულია მშობ ლიურ სოფელში, საგვარეულო სასაფლაოზე.