მღვდელი პახუმ აბიათარის ძე ობოლაძე
დაიბადა 1898 წელს სოფელ სხვავაში (რაჭა). დაამთავრა სამრეწველო-ეკონომიკური ტექნიკუმი. მიღებული ჰქონდა სამონასტრო განათლება. 1930-1952 წლებში საერო სამსახურშია 1952 წლიდან 1955 წლამდე იყო სიონის საპატრიარქო ტაძრის დიაკონი. 1955 წლიდან მღვდელი, 1970 წლიდან 1983 წლამდე გარდაცვალებამდე პროტოპრესვიტერი. ოჯახი ცხოვრობდა თბილისში, ეტაპის ქ. N10.
წმინდა ალექსანდრე ნეველის სახელობის ტაძრის დღესასწაულზე დამსწრე სასულიერო პირები. 1955 წელი
სხედან მარცხნიდან: სიონის ტაძრის დეკანოზი ალექსანდრე გაბუნია (შემდგომში პროტოპრესვიტერი 1880-1967), წმ. ალექსანდრე ნეველის ტაძრის წინამძღვარი არქიმანდრიტი ზინობი (მაჟუგა, შემდგომში მიტროპოლიტი 1896-1985), სავარაუდოთ წმ. მიხეილ ტვერელის სახელობის ტაძრის მღვდელი ვასილ პლოხოტნიკოვი (1882-1958), დეკანოზი რომანოზ პეტრიაშვილი (შემდგომში მიტროპოლიტი 1887-1979).დგანან: წმინდა ალექსანდრე ნეველის ტაძრის მამასახლისი, მღვდელი მიხეილ დიდენკო (შემდგომში არქიმანდრიტი მაქსიმე 1929-2000), მამადავითის ტაძრის წინამძღვარი დეკანოზი იოანე საყვარელიძე (1891-1962), მღვდელი პახუმი ობოლაძე (შემდგომში პროტოპრესვიტერი 1898-1982). ფოტოს მოწოდებისათვის მადლობას ვუხდით მამა პახუმის შვილს, ქალბატონ ეთერ ობოლაძეს.
