დეკანოზი იაკობ ეხვაია
დაიბადა 1973 წლის 28 აპრილს ქ. ზუგდიდში, პედაგოგის ოჯახში.
1989 წელს დაამთავრა ზუგდიდის N11 საშუალო სკოლა. სწავლობდა სასოფლოსამეურნეო აკადემიაში, ლიტვის რესპუბლიკის ქალაქ კაუნასში.
1992 წელს ჩამოვიდა საქართველოში და სწავლა განაგრძო თბილისის ეკონომიკურ აკადემიაში ეკონომიკის ფაკულტეტზე.
1997 წელს დაიწყო ეკლესიური ცხოვრება. მსახურობდა ზუგდიდის კვირაცხოვლობისა და ვლაქერნის ღმრთისმშობლის ხატის სახელობის ტაძრებში მგალობლად.
2002 წელს ჩაირიცხა თბილისის სასულიერო სემინარიაში.
2004 წლის 30 დეკემბერს ზუგდიდისა და ცაიშის მიტროპოლიტმა გერასიმემ ხელი დაასხა დიაკვნად.
2005 წელს _ მღვდლად, ხოლო 2009 წელს აყვანილ იქნა დეკანოზის ხარისხში და ოქროს ჯვრის ტარების უფლებით დაჯილდოვდა.
ამჟამად მსახურობს ზუგდიდის (ჭითაწყარი) ღმრთისმშობლის ხარების სახელობის ტაძრის წინამძღვრად.
ჰყავს მეუღლე და ორი შვილი.
ქ. ზუგდიდი, ანთიმოზ როგავას ქ. N2
