ზაქარია, გიორგი, ანდრია გაჩეჩილაძეები (გუნდაეთლები).

ჭიათურის რ. სოფ. გუნდაეთის წმიდა გიორგის ეკლესიის მოძღვრები. მღვდელი ზაქარია მოღვაწეობდა სოფ. წევაში (XVIII ს-ში). შემდეგში იგი თავის შვილ, მღვდელ გიორგისთან ერთად საცხოვრებლად სოფ. გუნდაეთში გადავიდა. აქ მათ, მიწისძვრისაგან დანგრეული ხის ეკლესიის ნაცვლად, დაიწყეს წმიდა გიორგის ახალი –

ქვის ეკლესიის მშენებლობა, რომელიც 1830-1840 – იან წლებში დაასრულა მამა გიორგის ვაჟმა – მღვდელმა ანდრიამ. მღვდელთა ამ ოჯახმა გუნდაეთის მეურნეობის აღორძინებას დაუდო საფუძველი და დიდი წვლილი შეიტანა სოფლის აღმშენებლობაში.

მამა ანდრიას ცოლად აბდუშელიშვილის ქალი ჰყავდა. გუნდაეთში მათ ცხრა შვილი შეეძინათ: ზაქარია, ნიკოლოზი, კოზმანი, თომა, ქრისტეფორე, ლავრენტი, დათა, ეკა და ლიდა. ნიკოლოზს, თომას და ქრისტეფორეს ექვს-ექვსი შვილი შეეძინათ. სულ კი მამა ანდრიას ოცდაერთი შვილიშვილი ჰყავდა.

საინტერესოა, რომ გადმოცემის მიხედვით, მამა ანდრიამ და მისმა შვილებმა ზოგმა თითქმის ას წლამდე, ზოგმა კი ას წელზე მეტ ხანს იცოცხლა. დეკანოზი გახდა

თომა*, ხოლო ქრისტეფორე* – დიაკონი.

ტექსტი შეადგინა გოჩა არონიშიძემ.