საიტი შექმნილი და დაფინანსებულია დავით ფეიქრიშვილის მიერ, მოზარდებში ისტორიული ცნობადობის გაზრდის მიზნით.
დამუშავებულია მილიონობით (საარქივო და სხვადასხვა გამომცემლების) დოკუმენტი,
თუ გაქვთ დამატებითი ინფორმაცია ფოტომასალა გამოგვიგზავნეთ, თუ არ დევს ფოტო და ინფორმაცია მინიმალურია, ბევრი მცდელობის მიუხედავად ვერ შევძელით მოპოვება, არც არავინ დაინტერესებულა და არც შეგვხმიანებია.
|
ფილაური მიქაელი (მინდია) მათეს ძე - დეკანოზი.
2013 წლის 07 აპრილს, დაჯილდოვდა მიტრის ტარების უფლებით. თიანეთის ყოვლადწმინდა ღვთისმშობლის მიძინების სახელობის საკათედრო ტაძრის წინაძღვარი. 2015წ. ღვთივგანისვენა დეკანოზი თიანეთისა და ფშავ-ხევსურეთის ეპარქია სრულად ნახვა
ფილაური მიქაელ მღვდელი, თიანეთისა და ფშავ-ხევსურეთის ეპარქია, მოსახსენებელი 2008წ. გვ.44 ამა მიქაელი თიანეთისა და თავისი მოღვაწეობის შესახებ მიყვებოდა. "ერისკაცობაში მინდია მერქვა, ეკლესიური ცხოვრება დედის ძმის, ვანო ჯანგირაშვილის დამსახურებით დავიწყე - თბილისის სიონის საკათედრო ტაძარში ხალიჩას უფენდა მის უწმინდესობას. სულ მეუბნებოდა, ადამიანისთვის მთავარი ეკლესიური ცხოვრებაა და სულიერი მოძღვარი გაიჩინეო. 1991 წლის დიდი მარხვა შევინახე და პირველი აღსარება ვთქვი მამა თეიმურაზთან (ჩაჩიბაია). შემდეგ, მოძღვრის რჩევით, სასულიერო სემინარიაში ჩავაბარე, რომლის დასრულების შემდეგ დავოჯახდი. ტაძრების აღდგენაზე ფიზიკურმა მუშაობამ კიდევ უფრო დამაახლოვა ეკლესიას. 2000 წელი ახლოვდებოდა. თიანეთში მოქმედი ტაძარი არ იყო. მამა იაკობის (ერისკაცობაში ბექა უშიკაშვილი) და ამავე სოფლის გამგებლის, ადგილობრივი მოსახლეობის დახმარებით სამი წელი ვმუშაობდი სოფელ ზარიძეების წმინდა გიორგის სახელობის ტაძრის აღდგენაზე. იმ დროს თიანეთისა და ფშავ-ხევსურეთის ეპარქია წილკნის ეპისკოპოსს, მეუფე ზოსიმეს ეკუთვნოდა. 2000 წლის 13 დეკემბერს, ანდრია პირველწოდებულისა და ვახტანგ გორგასლის ხსენების დღეს, მეუფემ დიაკვნად მაკურთხა ნატაძრის იოანე ნათლისმცემლის სახელობის ტაძარში. მაშინ 30 წლის ვიყავი. ერთი წლის შემდეგ, ხარება დღეს მღვდლად დამასხა ხელი. პირველი წირვა აღდგომას ჩავატარე. ყოვლადწმინდა ღვთისმშობლის მიძინების ტაძრის წინამძღვრად უკვე რამდენიმე წელია, ვმსახურობ. პარალელურად შეძლებისდაგვარად ვწირავ წმინდა გიორგის და მთავარანგელოზ მიქაელის ტაძრებში. პირველი სულიერების ყამირი, რომ იტყვიან, ამ მხარეს მამა თავმასმა გაკვალა. მას შემდეგ, უფლის შეწევნით, ღვთისმსახურება შაბათ-კვირას და ყველა დიდ დღესასწაულზე მიმდინარეობს დაბაში მოქმედ ტაძრებში. მთაში ყოველთვის იყო შინაგანი რწმენა. მომავალი თაობა, უფლის შეწევნით, უნდა აღიზარდოს ჭეშმარიტ მართლმადიდებელ ქრისტიანად. საპატრიარქოს უწყებანი N29 6-12ოქტომბერი 2011წ გვ.14 სამძიმარი საქართველოს საპატრიარქოს პრესცენტრი მწუხარებით იუწყება, რომ 4 სექტემბერს ხანგრძლივი ავადმყოფობის შემდეგ ღვთივ განისვენა თიანეთისა და ფშავ-ხევსურეთის ეპარქიის, თიანეთის ყოვლადწმინდა ღვთისმშობლის მიძინების სახელობის საკათედრო ტაძრის წინაძღვარის, დეკანოზ მიქაელ ფილაურის მეულლემ ნინო თაყნიაშვილმა, რომელიც გარდაცვალებამდე რამდენიმე დღით ადრე მონაზვნად აღიკვეცა და სახელად მარიამი ეწოდა. საქართველოს საპატრიარქოს პრესცენტრი სამძიმარს უცხადებს დეკანოზ მიქაელ ფილაურს და მკითხველს ვთხოვთ, ლოცვებში მოიხსენიოს ახლად შესვეხებული მონაზონ მარიამის სული. დაჯილდოება 7 აპრილს სრულიად საქართველოს კათოლიკოსპატრიარქის, უწმინდესისა და უნეტარესის ილია IIის ლოცვა-კურთხევით, თიანეთისა და ფშავ-ხევსურეთის მიტროპოლიტმა თადეოზმა (იორამაშვილი) დააჯილდოვა ეპარქიის სამღვდელოება: მიტრით “ თიანეთის ყოვლადწმინდა ღვთისმშობლის მიძინების სახელობის საკათედრო ტაძრის წინამძღვარი, დეკანოზი მიქაელ ფილაური; ოქროს ჯვრითა და დეკანოზის წოდებით -– მაღაროსკარის ყოვლადწმინდა ღვთისმშობლის მიძინების სახელობის ტაძრის წინამძღვარი, მღვდელი კახაბერ მესხი; ოქროს ჯვრითა და დეკანოზის წოდებით თია ნეთის ყოვლადწმინდა ღვთისმშობლის მიძინების სახელობის საკათედრო ტაძრის მღვდელმსახური, მღვდელი გიორგი ბერბერაშვილი.
|
