მღვდელი იოანე ჯორბენაძე (1856-1932)
მღვდელი იოანე ჯორბენაძე დაიბადა 1856 წელს ლანჩხუთის რაიონის სოფელ ზემო ჩიბათში, შეძლებული გლეხის ოჯახში. დაამთავრა ოზურგეთის სასულიერო სასწავლებელი. ჰყავდა მეუღლე, მატრონა კომახიძე და 7 შვილი: დარიკო, თამარი, ვარლაამი, კონსტანტინე, მარიამი, ევტიხი და აკაკი. მსახურობდა ზემო ჩიბათის წმ. გიორგის ეკლესიაში. 1924 წელს კომუნისტებმა ეკლესია დაანგრიეს და მამა იოანეც იძულებული გახადეს, მღვდლობისათვის თავი დაენებე- ბინა. გარდაიცვალა 1932 წლის ივნისში, დასაფლავებულია ზემო ჩიბათის წმ. გიორგის ეკლესიის ნანგრევებთან მეუღლესთან და ორ შვილთან ერთად.
დგანან: მღვდელი იოანე ჯორბენაძე და მისი მეუღლე მატრონა კომახიძე და შვილები: ევტიხი, მარიამი, აკაკი და დარიკო. ფოტო გადაღებულია 1910-იან წლებში. ფოტოს მოწოდებისათვის მადლობას ვუხდით მამა იოანეს შვილს, ბატონ აკაკი ჯორბენაძეს.
