არჩილ მინდიაშვილი არქიტექტორი;

დაბადების თარიღი: 21 მარტი, 1951

გარდაცვ. თარიღი: 2 აპრილი, 2020 

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1973 წელს.

1973-1976წწ. მუშაობდა საპროექტო ინსტიტუტ "საქსოფლმშენსახპროექტის" N3 არქირექტურულ სახელოსნოში არქიტექტორად, უფროს არქიტექტორად; 1976-1977წწ. თბილისის 26 კომისრის სახელობის რაიონის მთავარ არქიტექტორად; 1977-1986წწ. საპროექტო ინსტიტუტ "საქქალაქმშენსახპროექტის" N6 არქიტექტურულ სახელოსნოში უფროს არქიტექტორად; 1986-1988წწ. იმავე საპროექტო ინსტიტუტის N6 კომპლექსური სახელოსნოს არქიტექტურული ჯგუფის ხელმძღვანელად; 1988-1991წწ. სახელოსნოს მთავარ სპეციალისტად; 1991 წელს დაინიშნა საქართველოს საპატრიარქოს საეკლესიო ხუროთმოძღვრების ცენტრის მთავარ არქიტექტორად; 1995 წელს წმინდა სამების საკათედრო ტაძრის კომპლექსის პროექტის მთავარ არქიტექტორად; 1998 წლიდან ხელმძღვანელობს წმინდა სამების საკათედრო ტაძრის კომპლექსის აღმშენებლობის შემოქმედებით გაერთიანება "კათედრალს"; ხელმძღვანელობდა საეკლესიო დანიშნულების 30-ზე მეტი მნიშვნელოვანი კომპლექსისა თუ ობიექტის მშენებლობას, რომელთაგან მასშტაბურობითა და მხატვრული გადაწყვეტით გამორჩეულია: წმ. სამების საკათედრო ტაძარი ქ. თბილისში (1995-2004); წმ. ილია თეზბიტელის ტაძარი და სამრეკლო (წმ. სამების საკათედრო ტაძრის კომპლექსში, 1998წ.) და სხვები საქართველოს სხვადასხვა ქალაქებში და რაიონებში; იყო სხვადასხვა არქიტექტურული კონკურსების, მათ შორის: თბილისის საცხოვრებელი კვარტალების კეთილმოწყობის პროექტის (II პრემია, 1972), თბილისის მეტროპოლიტენის სადგურების ინტერიერის (1976), თბილისის სპორტის სასახლის მიმდებარე ტერიტორიის განაშენიანების (1984), წმ. სამების საკათედრო ტაძრის პროექტის (1989-1990) და სხვა კონკურსების გამარჯვებული.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.411-412; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.39

ორგანიზაციის, ასოციაციის ან ჯგუფის წევრი

საქართველოს ეროვნულ და სოციალურ ურთიერთობათა აკადემია, აკადემიკოსი საქართველოს საინჟინრო აკადემია, აკადემია

ჯილდოები, პრემიები და პრიზები

2001 - ღირსების ორდენი

წმინდა გიორგის ორდენი (ოქრო)

საქართველოს დამსახურებული არქიტექტორი