დაბადების ადგილი: აბაშის რაიონი, სოფელი სეფიეთი.

დაამთავრა თბილისის სამხატვრო აკადემია 1930 წელს.

1933 წლიდან ეწეოდა პედაგოგიურ მოღვაწეობას თბილისის სამხატვრო აკადემიაში; 1928 წლიდან მონაწილეობდა სამხატვრო გამოფენებში; 1920-1930წწ. ძირითადად მუშაობდა როგორც მოქანდაკე; 1932 წლიდან მუშაობდა გრაფიკაში; დიდი წვლილი მიუძღვის ქართული წიგნის სამკაულისა და შრიფტის შექმნაში; ძველი ქართული ხელნაწერებისა და ნაბეჭდი წიგნების დეკორის საფუძველზე მან შექმნა წიგნის მორთულობის ახალი კომპოზიციები, ქართული შრიფტის ახალი ვარიანტები; მისი ნაშრომი "ქართული კონსტრუქციული და აკადემიური შრიფტი" დაედო საფუძლად სამხატვრო აკადემიაში შრიფტის სწავლების დისციპლინას; გაფორმებული აქვს 100-ზე მეტი წიგნი; მის მიერ მხატვრულად გაფორმებულია უნიკალური გამოცემები: "ვეფხისტყაოსანი" (1937), აკაკი წერეთელი (1940), ნიკოლოზ ბარათაშვილის საიუბილეო გამოცემა, ქართული პოეზიის ანთოლოგია ინგლისურ ენაზე, ქართული საბჭოთა ენციკლოპედია, გალაკტიონ ტაბიძის, კონსტანტინე გამსახურდიას წიგნები; დახატული აქვს გიორგი სააკაძისა და გრიგოლ ორბელიანის პორტრეტები; შექმნა კამერული ქანდაკებები: "სამშობლო" (1928), "ქალიშვილის თავი" (1928), "ქართველი ქალი" (1928), შოთა რუსთაველის ძეგლის პროექტი (1936); მის საცხოვრებელ სახლში (კ. ქუთათელაძის ქუჩა, 4) არის მხატვრის სახელოსნო, სადაც ინახება ხელოვნის არქივი და საინტერესო შემოქმედებითი მემკვიდრეობა.

წყარო: საქართველო: ენციკლოპედია: ტ.2. – თბ., 2012. – გვ.155

• მხატვართა გაერთიანება "სარმა", წევრი (1930-1932)
• ქართველ ხელოვანთა საზოგადოება, წევრი (1928-1929)

• 1973 - შოთა რუსთაველის სახელობის სახელმწიფო პრემია
• 1969 - საქართველოს სახალხო მხატვარი