დაბადების ადგილი: ქ. აბაშა.

დაამთავრა თბილისის სახელმწიფო სამხატვრო აკადემია 1958 წელს.

მისი პედაგოგები იყვნენ ვ. გრიგოლია და ვ. კეშელავა. 1962 წლიდან იქვე ეწეოდა პედაგოგიურ მოღვაწეობას. მისი შემოქმედების მთავარი თემაა ქართული პეიზაჟი და ინდუსტრიული მშენებლობანი. აღსანიშნავია მისი ფერადი ლინოგრავიურები. ნამუშევრები: "ფოლადის გამოდნობა" (1967), "ზამთარი" (1968), სერია "ინდუსტრიული ქალაქები" (1970), "ენგურჰესის მშენებლობა" (1971), "თბილისის აღმშენებლობა" (1976), "ბორჯომის ხეობა" 1982) და სხვა. მონაწილეობდა როგორც რესპუბლიკურ და საკავშირო ისე საზღვარგარეთ მოწყობილ გამოფენებში (პოლონეთი -1965, ჩეხოსლოვაკია -1965, გერმანია -1968). მისი ნამუშევრები დაცულია დ. შევარდნაძის სახელობის ეროვნულ გალერეაში. ქართველი გრაფიკოსი. 

წყარო: საქართველო: ენციკლოპედია: ტ. IV. -თბ., 2018. -გვ.36

• 2002 - ღირსების ორდენი