რევაზ მირზაშვილი (1901-1988)
ბიოგრაფია
დაბადების ადგილი: ქ. გორი.
დაამთავრა თბილისის სამხატვრო აკადემია 1931 წელს.
მუშაობა დაიწყო კინოსტუდიაში მხატვრად. იგი ერთ-ერთი პირველი ქართველი კინომხატვარია, მისმა შემოქმედებამ დიდად შეუწყო ხელი კინომხატვრობის განვითარებას საქართველოში. მის მიერ გაფორმებული კინოსურათები გამოირჩევა მაღალი პროფესიონალიზმით, დახვეწილი გემოვნებით, ფერწერულობით: "ქაჯანა"(1940), "გიორგი სააკაძე"(1941-1943), "ბაში-აჩუკი"(1957), "მამლუქი" (1958), "გლახის ნაამბობი"(1961), "ვედრება"(1967), "შერეკილები"(1973), "ნატვრის ხე"(1977) და სხვა, კინოს მხატვარი. მხატვარ თენგიზ (ჩუბჩიკა) მირზაშვილის მამა.
წყარო: ქართული საბჭოთა ენციკლოპედია: ტ. 7.-თბ., 1984.- გვ. 11; ეროვნული ფილმოგრაფიის პორტალი: geocinema.ge
ორგანიზაციის, ასოციაციის ან ჯგუფის წევრი
- საქართველოს კინემატოგრაფისტთა შემოქმედებითი კავშირი, წევრი
ჯილდოები, პრემიები და პრიზები
- 1979 - საქართველოს სახალხო მხატვარი