აფხაზეთის სამხედრო პოლიცია სრული სია წიგნიდან საქართველოსათვის
დაიბადა 30 სექტემბერი 1975 წელი
რიგითი ევგენი აველის ძე ნაჭყებია გაწვეული და ჩარიცხული იყო საქართველოს შეიარაღებულ ძალებში, აფხაზეთის სამხედრო პოლიციის სამმართველოს სოხუმის ბატალიონის მებრძოლად.
ევგენი ნაჭყებია მამაცი, სამშობლოსათვის თავდადებული მებრძოლი იყო. მეომრებს შორის დამსახურებული ავტორიტეტით სარგებლობდა. 1993 წლის 12 ივლისს ევგენი საბრძოლო პოზიციებზე, საარტილერიო დაბომბვისას სასიკვდილოდ დაიჭრა. დაღუპული მებრძოლი ველიდან თანამებრძოლებმა - ოთარ დარჯანიამ და მათე შამათავამ გამოასვენეს.
ევგენი ნაჭყებია დაკრძალულია გულრიფშის სასაფლაოზე.
