ბიოგრაფია
ირმა გელას ასული ირემაძე დაიბადა 1975 წლის 15 თებერვალს, სოხუმში.
1991 წელს წაჩინებით დაამთავრა სოხუმის ბ.შელიას
სახელობის საშუალო სკოლა და ჩააბარა ივანე ჯავახიშვილის სახელობის თბილისის სახელმწიფო
უნივერსიტეტის სოხუმის ფილიალში ფილოლოგიის ფაკულტეტზე. 1997 წელს მიენიჭა პრეზიდენტის
სტიპენდია.
1998 წელს წარჩინებით დაამთავრა ივანე ჯავახიშვილის
სახელობის თბილისის სახელმწიფო უნივერსიტეტის სოხუმის ფილიალის ფილოლოგიის ფაკულტეტი
და დაიცვა სადიპლომო ნაშრომი „ეროვნული მოტივი მიხეილ ჯავახიშვილის ჯაყოს ხიზნებში“,
იმავე წელს ჩაერიცხა ასპირანტურაში, უახლესი
ქართული ლიტერატურის სპეციალობით, რომელიც დაასრულა 2001 წელს.
1994-2001წწ. მუშაობდა ლიტერატურულ-საზოგადოებრივ
ჟურნალ „რიწაში“, ლიტერატურულ მუშაკად, 2001-2008 წწ. ამავე ჟურნალში განყოფილების
რედაქტორად, ხოლო 2008-2011წწ. პასუხისმგებელ მდივნად.
1998-2002 წლებში მუშაობდა აფხაზეთის მეცნიერებათა აკადემიის ქართულ-აფხაზური ურთიერთობების განყოფილებაში პროფ. დავით თევზაძესთან, თანაშემწედ.
1997-2008 წლებში ეწეოდა პედაგოგიურ საქმიანობას
(ასწავლიდა ქართულ ენასა და ლიტერატურას).
2006 წელს, ირმა ირემაძე, ლიტერატურისა და ჟურნალისტიკის
დარგში ნაყოფიერი საქმიანობისათვის აფხაზეთის ა/რ უმაღლესი საბჭოს მიერ საპატიო სიგელით
დაჯილდოვდა.
2014-2017 წწ. ირმა ირემაძე სსიპ „აფხაზეთის
საგამომცემლო ცენტრის“ დირექტორია. 2017-2019 წლებში კი სსიპ „აფხაზეთის კულტურისა
და ხელოვნების ცენტრის“ დირექტორი. ამჟამად, აფხაზეთის განათლებისა და კულტურის სამინისტროს
ადმინისტარციის ხელმძღვანელია.
ირმა ირემაძეს
ქართულ პერიოდულ გამოცემებში, წლების განმავლობაში, გამოქვეყნებული აქვს ათეულობით
ლიტერატურულ-პუბლიცისტური წერილი და ნარკვევი. არის არაერთი წიგნის შემდგენელ-რედაქტორი.
