წიგნიდან საქართველოსთვის ომის ქრონიკები აფხაზეთი 1992-93წწ რედ. ირმა ირემაძე
ტრისტან ხარაიშვილი დაიბადა 1973 წლის 25 სექტემბერს ოჩამჩირის რაიონის სოფელ კოჩარაში.
1991 წელს, კოჩარის საშუალო სკოლის დამთავრების შემდეგ მუშაობა დაიწყო კოჩარის კოლმეურნეობაში.
ტრისტან ხარაიშვილი 1993 წლის 16 მაისს ჩაირიცხა მე-2 საარმიო კორპუსის 24-ე მექანიზირებული ბრიგადის 250-ე ცალკეული საზენიტო-საარტილერიო ბატალიონში. იბრძოდა მერკულა-ბესლახუბას შორის გამავალ ბრძოლის ხაზზე. სამშობლოს დამცველი ტრისტან ხარაიშვილი უშიშარი და თავდადებული ჯარისკაცი იყო. ბევრჯერ ჩაუხედავს სიკვდილისთვის თვალებში, მრავალ საბრძოლო ოპერაციაში მონაწილეობისათვის ხელმძღვანელობისაგან არაერთი მადლობა დაუმსახურებია.
1993 წლის 25 სექტემბერს, ტრისტან ხარაიშვილს ბრძოლის ველზე 21 წელი შეუსრულდა.
28 სექტემბერს მტრის მიერ არადუს ბლოკირების შემდეგ ტრისტანმა და მისმა მეგობრებმა „ბმპ“-ს საბრძოლო მანქანით
შეუტიეს ჩასაფრებულ მტერს და სოფლიდან აყრილი ბევრი მშვიდობიანი მცხოვრები გადაარჩინეს, ამ უთანასწორო ბრძოლაში გმირულად დაიღუპნენ ტრისტანი და მისი მეგობრები.
