ჯემალ გურული კონსტანტინეს ძე 1969- 26 ნოემბერი 1992წწ გარდ. აფხაზეთი დაბ. ჭიათურა ზემდეგი

სხვა მონაცემებით დაბადებულია 1963 წელს

ჯემალ გურული დაიბადა ჭიათურის რაიონის სოფელ წირქვალში 1963 წელს. 1970 წელს სწავლა დაიწყო წირქვალის საშუალო სკოლაში, სკოლის დამთავრების შემდეგ ჭიათურის „დოსააფში“ დაეუფლა მძღოლის პროფესიას და მუშაობა დაიწყო M 3 ავტოსატრანსპორტო საწარმოში მძღოლად.

1982 წელს გაიწვიეს საბჭოთა არმიაში.1984 წელს უფროსი სერჟანტის წოდებით დაუბრუნდა მშობლიურ ქალაქს და მუშაობა დაიწყო M 2 ავტოსატრანსპორტო საწარმოში, თვითმცლელი ავტომანქანის მძღოლად. 1986 წელს სამუშაოდ გადადის M 1 ავტოსატრანსპორტო საწარმოში და მუშაობას იწყებს ავტობუსის მძღოლად. 1992 წელს ხდება „მხედრიონის“ წევრი და იმავე წლის სექტემბერში საომრად მიდის აფხაზეთში. იბრძოდა გაგრაში, შემდეგ ოჩამჩირეში. 1993 წლის თებერვალში ერთ-ერთი საბრძოლო ოპერაციის დროს, ავტომანქანა, რომელსაც ჯემალ გურული მართავდა, ააფეთქეს. ჯემალთან ერთად დაიღუპა მისი სამი თანამებრძოლი.