გოჩა ელბაქიძე დაიბადა 1962 წლის 12 ივლისს ქ. გორში. აქვე დაამთავრა საშუალო სკოლა.
სავალდებულო სამხედრო სამსახური მოიხადა უნგრეთში. სწავლობდა თელავის ი. გოგებაშვილის სახელობის სახელმწიფო პედაგოგიურ ინსტიტუტში,ფიზიკური აღზრდისა და დაწყებითი სამხედრო მომზადების ფაკულტეტზე. მუშაობდა ურბნისის საშუალო სკოლის დაწყებითი სამხედრო მომზადების მასწავლებლად. 1991 წელს გაიწვიეს წვევამდელთა მოსამზადებლად ახალციხეში 3 თვით. შემდეგ დაინიშნა პირველი სატანკო ასეულის მეთაურად – ს/ნ 21454. ·
1992 წლიდან მონაწილეობდა აფხა- ზეთში საქართველოს ერთიანობისთვის წარმოებულ ბრძოლებში.
1993 წლის 2 ივლისს ტამიშის დესანტის გადმოსხმისას მტერთან უთანასწორო ბრძოლაში გმირულად დაიღუპა ლეიტენანტი გოჩა ელბაქიძე. ასეულს, რომლის მეთაურიც ის იყო, გოჩა ელბაქიძის სახელი ეწოდა.
