ელდარ მეტრეველი თბილისის შინაგან საქმეთა ნაძალადევის რაიგანყოფილების უბნის ინსპექტორი, 35 წლის, უცოლშვილო.
უმცროს თანამებრძოლებს გულით უყვარდათ შედარებით უფროსი, დინჯი და თავშეკავებული ვაჟკაცი.
ქვეყნის დასაწყნარებლად, ვერაგი მტრის ასალაგმავად და ხალხისთვის მშვიდი ცხოვრების დასაბრუნებლად აიღო ხელში იარაღი ელდარ მეტრეველმა.
სოფელ ლაბრასთან ბრძოლის დროს დაიღუპა.
რამდენი აუხდენელი ოცნება და გაუკეთებელი საქმე დარჩა ამქვეყნად... მან ერის მომავლისთვის დათმო ყველაზე ძვირფასი, რაც ადამიანს გააჩნია –სიცოცხლე.
დასანანია, რომ ელდარ მეტრეველმა ვერ მოასწრო თავისი სანაცვლო სიცოცხლე დაეტოვებინა სამშობლოსთვის.
