ინგა გვასალია იურის ასული დაიბადა 1967 წლის 17 იანვარს გულრიფშის რაიონის სოფ. დრანდაში. 

1973 წელს შევიდა სოფ. დარანდის ა.ე. თოდუას სახელობის საშუალო სკოლაში, რომელიც დაამთავრა 1983 წელს. 

1984 წელს ჩაირიცხა თბილისის სავაჭრო ტექნიკუმში საქონელმცოდნეს ფაკულტეტზე, რომელიც დაამთავრა 1988 წელს. დამთავრების შემდეგ ჩამოვიდა მშობლიურ რაიონში და მუშაობა დაიწყო მაღაზიაში გამგე-გამყიდველად. 

ინგა ბავშვობიდანვე გამოირჩეოდა გამბედაობითა და სიმამამცით. იყო ძალზე კეთილი და თავმდაბალი, ვერ იტანდა უსამართლობას. მთელი მისი ახალგაზრდობა სიკეთისა და გულისხმიერების სიმბოლო იყო. 

ქართველი ერის ბევრი საამაყო  შვილი, საქართველოზე უსაზღვროდ შეყვარებული, აფხაზეთის ომში, საქართველოს ტერიტორიული მთლიანობას შეეწირა, როგორც ჭაბუკები, ასევე ახალგაზრდა მანდილოსნები და სწორედ მათ შორის იყო ინგა იურის ასული გვასალია, რომელიც აფხაზეთში მინდინარე საომარი მოქმედებების დროს ჩარიცხული იყო 23-ე საარმიო კორპუსის საინჟინრო მესანგრეთა ასეულში მედდად.

მან თავი გამოიჩინა როგორც საქართველოს ერთიანობისათვის და დამოუკიდებლობისათვის თავდადებულმა მებრძოლმა. იგი აქტიურ მონაწილეობას ღებულობდა ყველა საბრძოლო ოპერაციებში, რომელსაც აწარმოებდა საინჟინრო მესანგრეთა ასეული. ინგა ყოველთვის ცხელ ხაზზე იდგა მებრძოლებთან ერთად, თავისი შეძლებისდაგვარად არც ერთ დაჭრილს არ ტოვებდა ბრძოლის ველზე. უშიშრად და მედგრად ემსახურებოდა მათ.

მას ქალაქი არ დაუტოვებია, იბრძოდა სიცოცხლის ბოლო წუთამდე და 1993 წლის 29 სექტემბერს იგი გმირულად დაიღუპა სოფ. დრანდაში. 

დედებო, ჩვენი გჯეროდეთ, 

გვესხა სიმართლის ფრთები, 

ცუდად არ ჩაიმეწყრება

ბრძოლით გავლილი გზები.

სამშობლოც ფრთებად მიისხამს 

სისხლით ჩათესილ ყვავილს

და დაგხურავენ ღირსელს

გმირის გამზრდელ მანდილს.

ნუცა აბულაძე

მარინა ნაჭყებია დ.1956წ. აფხაზეთის მებრძოლთა მკვლევარი დ. სოხუმი აფხაზეთი