წყარო 1811-1917წწ ეგზარქოსობისდროინდელი იმერეთის ეკლესიები და მღვდლები, ავტ. მერაბ კეზევაძე სრული სია
1100-ზე მეტი წმიდა გიორგის ტაძარი საქართველოში, მოგვაწოდეთ რაც, გამოგვრჩა.
ხოჯავა ილარიონ იაკობის ძე. გარდ. 1940 წელი. 1906-1917წწ გეგუთის წმ. გიორგის ეკლესის მოძღვარი, წყალტუბო
საპატრიარქოს უწყებანი N36 20-26ოქტომბერი 2005წ გვ.28
მღვდელი ილარიონ ხოჯავა
მღვდელი ილარიონ იაკობის ძე ხოჯავა დაიბადა 1860-იანი წლების დასაწყისში. 1877 წ. დაამთავრა ქუთაისის სასულიერო სასწავლებელი. 1881 წ. 25 ივნისს განაწილებულ იქნა ვარ-ციხის ღვთისმშობლის ტაძარში მედავითნედ. 1883 წ. 30 იანვარს იმერეთის ეპისკოპოსის გაბრიელის (ქიქოძე) მიერ ხელდასხმულ იქნა დიაკვნად და განამწესეს გეგუთის წმ. გიორგის ეკლესიაში. პარალელურად ასწავლიდა გეგუთის სამრევლო სკოლაში საღვთო სჯულს. 1885 წ. 3 ნოემბერს ხელდასხმულ იქნა მღვდლად და დაინიშნა სოფელ სადემეტრეოს წმ. გიორგის ეკლესიის მოძღვრად. 1892 წ. 29 ივლისს სოფელ სადემეტრეოს წმ. გიორგის ტაძრის კურთხევისას სასარგებლო და საქმიანი მოღვაწეობისთვის წმიდა ეპისკოპოსმა გაბრიელმა დაა-ჯილდოვა საგვერდულის ტარების უფლებით. იმავე წლის 26 აგვისტოს თავისივე თხოვნის საფუძველზე გადაიყვანეს პატრიკეთის წმ. გიორგის ეკლესიაში. 1897 წ. 2 ივნისს მოსახლეობის პირველი საყოველთაო აღწერისას გაწეული შრომისათვის მას უწყალობეს უმაღლესი ჯილდო – მუქი ბრინჯაოს მედალი. 1899 წ. ქვიტირის ოლქის სამღვდელოების გადაწყვეტილებით მღვდელი ილარიონ ხოჯავა არჩეულ იქნა დეპუტატად სამი წლის ვადით, იმერეთის ეპარქიის დეპუტატთა სხდომაზე. 1902 წ. 2 მაისს იმერეთის ეპისკოპოსმა ლეონიდემ (ოქროპირიძე, შემდგომში საქართველოს კათალიკოს-პატრიარქი) დააჯილდოვა სკუფიის ტარებით. 1904 წ. 17 აპრილს ინიშნება გეგუთის წმ. გიორგის ტაძრის მშენებლობის ორგანიზატორად და ამავე ტაძრის წინამძღვრად. მღვდელი ილარიონ ხოჯავა კომუნისტებმა იძულებული გახადეს შეეწყვიტა სამღვდელო მსახურება და დაეტოვებინა სოფელი. იგი დასახლდა ზესტაფონში, სადაც გაატარა ცხოვრების უკანასკნელი წლები და აღესრულა 1940 წ. მღვდელ ილარიონ ხოჯავას ჰყავდა მეუღლე დომნიკა მიქაელის ასული ხოჯავა და 7 შვილი: იაკობი, შალვა, ზოსიმა, ანა, ელისაბედი, ლუდმილა და მარიამი. დღეს მამა ილარიონის შთამომავალთაგან ორი მისი შვილიშვილი: დეკანოზი გრიგოლ აბულაძე ზესტაფონის წმ. გიორგის და წმ. ნინოს ტაძრების წინამძღვარი და მღვდელი გიორგი ხოჯავა – კასპის წმ. თეოდორე ტირონის ტაძრის წინამძღვარი, აგრძელებენ საგვარეულოს სასულიერო ტრადიციას.
