ზაურ მჭედლიშვილი გარდ. აფხაზეთი მცხოვრ. რუსთავი

ზაურ  მიხეილის  ძე  მჭედლიშვილი  დაიბადა  1951  წლის  10  თებერვალს  ოჩამჩირის  რაიონის  სოფელ  ახალ  კინდღში. დაამთავრა  მშობლიური  სოფლის  საშუალო  სკოლა,შემდეგ  სწავლა  სოხუმის  ქორეოგრაფიულ  სასწავლებელში  გააგრძელა ,მუშაობდა  ახალი  კინდღის  საშუალო სკოლაში.

   სამშობლოს  ერთგული  ჯარისკაცი  აფხაზეთში  ომის  დაწყებისთანავე  ეროვნული  გვარდიის  რიგებში  ჩადგა. ვაჟკაცი,დინჯი,სიტყვაძუნწი,ჭკვიანი-ასე  ახასიათებენ 42  წლის  ზაურს ახლობლები.... ზაურ  მჭედლიშვილი  1992 წლის  20  ნოემბრიდან  გაწვეულ  იქნა  ოჩამჩირის  რაიონის  სამხედრო  კომისარიატის  მიერ. ჩაირიცხა  საქართველოს  რესპუბლიკის  თავდაცვის  სამინისტროს  მე-2  საარმიო  კორპუსის  23-ე  მექანიზირებული   ბრიგადის  მე-5 ბატალიონში.

   ადგილობრივი  მოსახლეობა  დიდ  პატივს  სცემდა  ზაურს,იგი  ყველას  ნუგეშად  ევლინებოდა...  საზოგადოებრივი  საქმეების  ნამდვილ  სულისჩამდგემელს  სწამდა  საკითხის  მშვიდობიანად  გადაწყვეტის...

   ზაურ  მჭედლიშვილი  1993  წლის   2  ივლისს  გმირულად  დაიღუპა სოფელ  ტამიშის  მისადგომებთან.

  საქართველოს   პრეზიდენტის  განკარგულებით  სამშობლოს   ტერიტორიული  მთლიანობისთვის  ბრძოლაში  გამოჩენილი  გმირობის,ვაჟკაცობისა და თავგანწირვისათვის  ზაურ  მჭედლიშვილი,სიკვდილის  შემდეგ,დაჯილდოვდა  ვახტანგ  გორგასლის  III ხარისხის  ორდენით.

ფოტო გადაღებულია რუსთავის კომისარიატში