არჩილ ყიფიანი

ქუთაისში 1991 წლის 22 ნოემბერს სამსახურებრივი მოვალეობის შესრულების დროს დაიღუპა პოლიციის სპეციალური რაზმის   ,,ომონის“ წევრი არჩილ ყიფიანი.საბედისწერო შემთხვევის  მიზეზად იქცა პოლიციის მუშაკებსა და  ,,მხედრიონის“ რამდენიმე წევრს შორის წარმოშობილი კონფლიკტი.სამწუხაროდ,პოლიციის კაპიტანი,რომელიც ხელმძღვანელობდა პულტს,მთვრალი იყო.მის მიერ გასროლილი ტყვია მოხვდა არჩილს,იგი მაშინვე გარდაიცვალა.ალბათ უნდა ჩავთვალოთ,რომ არჩილ ყიფიანიც ომში დაიღუპა,რადგან იგი ქვეყანაში გამეფებული განუკითხაობისა და ქაოსის მსხვერპლი გახდა.არაფერი იქნება გადაჭარბებული თუ ვიტყვით,რომ არჩილ ყიფიანის მკვლელია ისტერიული პრეზიდენტი საქართველოსი,რომელმაც ორად გახლიჩა ქვეყანა.არჩილისა და მისი ტოლების სიცოცხლე იმსხვერპლა იმ შავმა ქალმა,რასაც ,,მხედრიონის“ საკმაოდ დიდი ნაწილი და საერთოდ ლეგალური ყაჩაღები ჰქვიათ,ისინი თავიანთი არასრულფასოვნების კომპლექსის საკომპენსაციოდ თავხედობდენ,ყაჩაღობენ,იტაცებენ.და საერთოდ რა გვესმის დღეს საქართველოში იმის გარდა,რომ ვიღაც მოკლეს,ვიღაც გაძარცვეს,აწამეს,ტერორისტული აქტი მოაწყვეს.ომი იყო არამარტო სამაჩაბლოში,აფხაზეთში ან სამეგრელოში,ომი იყო მთელს საქართველოში.ადამიანის თავაშვებულობას,უპასუხისმგებლობას,სრულ განუკითხაობას ეწირებოდნენ და ეწირებიან არჩილ ყიფიანის მსგავსი ახალგაზრდები.ეწირებიან და ტოვებენ ობლებს.თუმცა კვდებიან ისეც,რომ არავინ რჩებათ,თუნდაც მათი მშობლების სანუგეშოდ.ასე დაიღუპა 24 წლის არჩილ ყიფიანიც.მის სახელზე სანთელს ანთებენ მისი მეგობრები რაჭაში,სოფელ ტოლაში,სადაც იგი გაიზარდა.ჩამქრალ ცეცხლს ჩასცქერიან რაჭაში ერთ პატარა სახლში საკმაოდ ახალგაზრდა,შვილმკვდარი მშობლები ანზორი და ნელი.პირველ დეკემბერს დაასაფლავეს არჩილ ყიფიანი ზუსტად იმ დღეს არჩილის ძმას ბიჭი შეეძინა.პირველ დეკემბერს დაიბადა არჩილ ყიფიანი.

ტექსტის აკრეფაში ითანამშრომლა მარიამ გიორგის ასული მანჯგალაძე, დაბადებულია 2003 წელს ბათუმში