ტაბაღუა გიორგი დეკანოზი
ხეთის მთავარანგელოზთა სახელობის ეკლესია
ხეთაში „ოხვამეკარში“ მდებარეობს წმ. მთავარანგელოზთა სახელობის ტაძარი, რომელსაც ადგილობრივი მოსახლეობა „მიქამგარიოსაც“ უწოდებს. აქ XIX საუკუნის ბოლოსა და XX საუკუნის პირველ მეოთხედში მსახურობდნენ მღვდელნი: გიორგი კობახიძე, ბესარიონ კობახიძე, მიხეილ გვასალია, მიხეილ მეუნარგია, სოლომონ საჯაია, გიორგი გეგეჭკორი, სოლომონ გეთია, ოქროპირ ქირია, თევდორე ქირია, აკაკი ფიფია; დიაკვანნი: იოანე წულაია, ლავრენტი კვარაცხელია; მედავითნენი: სილიბისტრო ჩიქვანაია, გოგი ლატარია, არქიფო ვართაგავა, მიხეილ ტურავა.
მეოცე საუკუნის ბოლოს და XXI საუკუნის დასაწყისიდან მღვდლები: გიორგი ტაბაღუა, ავთანდილ ჭოხონელიძე, 2003 წლიდან 2008 წლამდე მამა კირიონ დარასელია ამჟამად ტაძრის მღვდელმსახურია მღვდელი ცოტნე ბიწაძე. ამ ტაძრის ადგილას უფრო ძველი ტაძარი მდგარა, იგი დაურღვევიათ და 1885 წელს ხელახლა აუშენებიათ. ტაძრის მიდამოებში აღმოჩენილია ბრინჯაოს გრიფონი და თიხის ჭურჭლის ფრაგმენტები, რომლებიც მიუთითებს, რომ აქ სალოცავი წინაქრისტიანულ ხანაშიც უნდა ყოფილიყო. ამასვე მიუთითებს სახალხო დღესასწაული „მიქამგარიობა“, რომელიც აღდგომის შემდგომ ორშაბათს იმართება, ამ დღეს არანაირი საეკლესიო დღესასწაული არ არის, მაგრამ უამრავი ხალხი ჩამოდიოდა სხვადასხვა სოფლებიდან. მლოცველები „მიქამგარიოს“ შინაური პირუტყვის გამრავლებას შესთხოვდნენ...
ტექსტის ავტორი ისტორიკოსი გოგიტა ჩიტაია
საპატრიარქოს უწყებანი N39 22-28ოქტომბერი 2004წ გვ.5
დაჯილდოვება
17 ოქტომბერს უწმინდესმა და უნეტარესმა, სრულიად საქართველოს კათოლიკოს-პატრიარქმა ილია II სიონის საკათედრო ტაძარში დეკანოზის ხარისხში აიყვანა თბილისის წმინდა ბარბარეს სახელობის ტაძრის წინამძღვარი, მღვდელი გიორგი ტაბაღუა.
დაჯილდოება
17 მარტს თბილისის ყოვლადწმინდა სამების სახელობის საპატრიარქო ტაძარში სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ დააჯილდოვა სამღვდელოება: მიტრით –- ქუთაისის ყოვლადწმინდა ღვთისმშობლის ხარების სახელობის საკათედრი ტაძრის მღვდელ მსახურნი: დეკანოზი ექვთიმე წულუკიძე და დეკანოზი პავლე კაკუშაძე; მიტრითა და გამშვენებული ჯვრით -- ვაზისუბნის ცხრა კოლაელ ყრმათა სახელობის ეკლესიის მღვდელმსახური, დეკანოზი გიორგი ტაბაღუა; გამშვენებული ჯვრით -- სართიჭალის წმინდა ლაზარესა და მთავარანგელოზთა ეკლესიების წინამძღვარი, დეკანოზი გიორგი კეჟერაშვილი.
ტაბაღუა გიორგი დეკანოზი, მცხეთა თბილისის ეპარქია, გარდ. 2014წ. 2000-იანიწ. ხეთა (ხობი) მთავარანგელოზის ეკლესია
სამძიმარი
საქართველოს საპატრიარქოს პრესცენტრი მწუხარებით იუწყება, რომ ამა წლის 13 ივლისს ხანგრძლივი ავადმყოფობის შემდეგ გარდაიცვალა თბილისის ვაზისუბნის დასახლების ცხრა ძმა კოლაელთა სახელობის ეკლესიის მღვდელმსახური, დეკანოზი გიორგი ტაბაღუა და სამძიმარს უცხადებს განსვენებულის ოჯახს.
