ფონდი მოლოდინი 1990-იანი წლებიდან, უგზო-უკვლოდ დაკარგულ პირთა მოძიება

მალხაზ გერასიმეს ძე ჯიოშვილი 1970- 22 სექტემბერი 1993წწ დაკარგ. ბაბუშერა აფხაზეთი

მალხაზ ჯიოშვილი

მალხაზ გურამის ძე ჯიოშვილი დაიბადა 1970 წლის 1 იანვარს, თბილისში.

1987 წელს დაამთავრა თბილისის №134 საშუალო სკოლა. სკოლის დამთავრების შემდეგ გაიწვიეს სავალდებულო სამხედრო სამსახურში. მსახურობდა გერმანიაში და 1989 წელს სამშობლოში უფროსი სერჟანტის წოდებით დაბრუნდა.

აფხაზეთში განვითარებული მოვლენების შემდეგ სამშობლოზე შეყვარებული ახალგაზრდა უყოყმანოდ ჩადგა ქვეყნის დამცველთა რიგებში.

1992 წელს მალხაზმა დაჭრილი მებრძოლები თბილისში ჩამოაცილა და მცირე ხნით აქ დარჩა. მალე სოხუმიდან ცნობა მოვიდა — ქალაქს დახმარება სჭირდებოდა. მალხაზიც კვლავ ფრონტის ხაზისკენ გაეშურა.

1993 წლის 22 სექტემბრის დილას მებრძოლებით სავსე Ту-154 ტიპის თვითმფრინავი სოხუმისკენ მიფრინავდა. ბაბუშერის აეროპორტში დაფრენამდე თვითმფრინავს ცეცხლი გაუხსნეს და ის ჩამოვარდა. თვითმფრინავში მყოფთა შორის იყო 23 წლის მალხაზ ჯიოშვილიც — სამშობლოს სიყვარულით გულანთებული მამაცი მებრძოლი.

მალხაზ ჯიოშვილი დაკრძალულია დიღმის ძმათა სასაფლაოზე.