დავით ესებუა  ( 4 თებერვალი 1908-1973) მსახიობი.

დაბადების ადგილი: ქ. ფოთი.

დაამთავრა თბილისის შოთა რუსთაველის სახელობის სახელმწიფო აკადემიურ თეატრთან არსებული დრამატული სტუდია 1938 წელს.

1940 წლამდე მუშაობდა ამავე თეატრში მსახიობად; 1940 წლიდან მუსკომედიის თეატრის ერთ–ერთი წამყვანი მსახიობი იყო. გამოირჩეოდა გარდასახვის განსაკუთრებული ნიჭით, ვოკალური მონაცემებით, სცენური მომხიბვლელობით, შექმნა მრავალი დასამახსოვრებელი სცენური სახე. შესრულებული აქვს შემდეგი როლები: ედვინი(რ. ფრიმლისა და პ. სტოტჰარტის "როზმარინი"), ლორანი(ა. ოდრანის "ნატვრისთვალი"), ბარტოლუსი(ჯ. ფლენერის "ესპანელი მღვდელი"), რაჯამი(ი. კალმანის "ბაიადერა"), გრიგოლი(ზ. ანტონოვის "მზის დაბნელება საქართველოში"), ლევანი(ვ. ცაგარეიშვილის "სამთა სიყვარული"), ასქერი(უ. ჰაჯიბეკოვის "არშინ მალ-ალან"), ნუგზარი(ა. კერესელიძის "თბილისის ცის ქვეშ") და სხვ. გამოდიოდა ესტრადაზეც. მნიშვნელოვანი როლი ითამაშა როგორც მუსკომედიის თეატრის, ისე ქართული ესტრადის განვითარებაში.