კობა მაზმიშვილი დაიბადა 1972 წლის 7 ივნისს ქარელის რაიონის სოფელ დირბში.

1978 წ. აქვე შევიდა საშუალო სკოლაში. 1985 წ. მოსწავლეთა სარაიონო პირველობაზე ქართულ ჭიდაობაში დაიკავა პირველი ადგილი.

რვაწლედის დამთავრების შემდეგ,1987 წელს სწავლა განაგრძო წინამძღვრიანთკარის სასოფლო-სამეურნეო ტექნიკუმში. 1990 წელს დაამთავრა აღნიშნული ტექნიკუმის სრული კურსი, საწარმოების საბუღალტრო აღრიცხვის სპეციალობით.

1991 წლის აპრილში გაიწვიეს ახალშექმნილ ეროვნულ გვარდიაში. მსახურობდა ქუთაისის #8 ბატალიონში. '

1992 წლის ივნისში აღნიშნული ბატალიონი გადაიყვანეს სამაჩაბლოში ოსი ექსტრემისტების წინააღმდეგ საბრძოლველად.

სამშობლოზე უზომოდ შეყვარებულმა ბიჭმა არაერთგზის ისახელა თავი მტრის წინააღმდეგ ბრძოლაში.

6 თვის შემდეგ M8 ბატალიონი გადაიყვანეს ქ. წყალტუბოში, „სწრაფი რეაგირების კორპუსის“ დაქვემდებარებაში

აფხაზეთის მთელ ტერიტორიაზე იბრძოდა ფრონტის წინა ხაზზე.

1993 წლის აპრილში დაუმთავრდა სავალდებულო სამხედრო სამსახურის ვადა.

ერთგული და უღალატო ბიჭი იყო კობა. ვერ მიატოვა ფრონტის ხაზზე მებრძოლი ამხანაგები. თავისუფალ საქართველოში უნდოდა ეცხოვრა პატრიოტ ახალგაზრდას. მაგრამ, სამწუხაროდ, არ დასცალდა. ამ პერიოდში, როგორც მამაცსა და შეუპოვარ მებრძოლს, მიანიჭეს ოფიცრის წოდება. 

1993 წლის 9 ივლისს სოფელ შრომასთან გმირულად დაიღუპა.

21 წლის ჭაბუკმა დაოჯახებაც ვერ მოასწრო, თან გაიყოლა ცრემლშეუმშრალი მშობლებისა და ახლობლების ტკივილით სავსე მოლოდინი.

ინფორმაცია მოგვაწოდა გიორგი ხაბალაშვილმა დაბ. 1982წ სოფელი ჭანდრები ქარელი