მე-2 საარმიო კორპუსი 23-ე ბრიგადა მე-8 ბატალიონი წიგნიდან "საქართველოსთვის"

ანზორ  სუბელიანი  დაიბადა  1940  წლის  8 მარტს   მესტიის   რაიონის  სოფელ  ეცერში. 

1949  წელს  ოჯახი  საცხოვრებლად   გადავიდა  სოფელ  კომანში.  ქართულ-აფხაზური  კონფლიქტის  დაწყებისთანავე , ანზორ  სუბელიანმა, როგორც  ყველა  კომანელმა,ხელში  იარაღი აიღო,რათა  დაეცვა  თავისი  სოფელი და  მშობლიური  კუთხე. 

კომანში  თითქმის  ყველას  ჰქონდა  სანადირო  იარაღი.პირველ ხანებში  კომანელთა  შეიარაღებაამ  სანადირო  თოფებისგან  შედგებოდა. იმ  დღეს  (1993  წლის  5  ივლისი)  ქალაქში  აპირებდა  წასვლას,საგუშაგოდან  სულ ახალი  გასული  იყო, როცა  მტერი  კომანს  თავს  დაესხა. ანზორი  ძმის  სახლში  იმყოფებოდა,მარტოს  მოუწია   მტერთან  შებრძოლება,შეეძლო  გასულიყო   და  შტაბში   მყოფ  თანამებრძოლებს  შეერთებოდა ,მაგრამ  ადგილმდებარეობა  არ  შეუცვლია,სანამ  ტყვია-წამალი  ეყო  სროლა  არ  შეუჩერებია.

  საქართველოს  პრეზიდენტის  განკარგულებით  სამშობლოს   ტერიტორიული  მთლიანობისთვის  ბრძოლაში  გამოჩენილი  გმირობის,ვაჟკაცობისა და  თავგანწირვისათვის  ანზორ სუბელიანი ,სიკვდილის  შემდეგ,დაჯილდოვდა  მედლით „მხედრული  მამაცობისთვის“.