დაიბადა 1960 წლის 29 ივნისს მარტვილის რაიონის სოფ. ბალდაში.

საშუალო სკოლის დამთავრების შემდეგ სავალდებულო სამსახურს პირნათალდ იხდის ქ. ომსკში. საპატიო სიგელით და ზემდეგის წოდებით უბრუნდება მშობლიურ სოფელს. ის ბავშვობიდანვე ოცნებობდა პოლიციელის მეტად რთულ და საპასუხისმგებლო პროფესიაზე. ამიტომაც გადაწყვიტა სწავლა ქ. ლენინგრადის პოლიციის სკოლაში გაეგრძელებინა, რომლის დამთავრების შემდეგ მუშაობა აფხაზეთის შს სამინისტროს ოჩამჩირის რაიონის შს განყოფილების სატრანსპორტო პოლიციაში დაიწყო, რომელსაც მთელი პასუხისმგებლობის გრძნობითა და თავგანწირვით მოეკიდა. მალევე დაოჯახდა, წინ ცხოვრების დიდი და ლამაზი გზა ჰქონდა გასავლელი, მაგრამ დაიწყო აფხაზეთის ომი და ვალერიც, რაკი მამული შველას ითხოვდა, წამითაც არ დაფიქრებულა და პირნათლად, უსიტყვოდ დადგა სამშობლოს სადარაჯოზე. 

1992 წლის 14 ნოემბერს კი გაურკვეველ ვითარებაში დაიღუპა - მისი ცხედარი ზღვამ გაგრის სანაპიროზე გამორიყა. 

დასაფლავებულია მშობლიური სოფლის ბალდას სასასფლაოზე. 

საქართველოს ერთიანობისათვის ბრძოლა, რომელსაც შენი სიცოცხლე. შეეწირა, გამარჯვებით დაგვირგვინდება.