აჭი (ოზურგეთი) წმიდა გიორგის ეკლესია
სულ რაოდენობა: 12
ბმულის კოპირება1878 წელს მოინათლა 16 ბავშვი, ჩატარდა 1 ჯვრისწერა
1889 წელს მოინათლა 23 ბავშვი, ჩატარდა 4 ჯვრისწერა
1899 წელს მოინათლა 28 ბავშვი, ჩატარდა 5 ჯვრისწერა
1911 წელს მოინათლა 18 ბავშვი, ჩატარდა 6 ჯვრისწერა
საიტი შექმნილი და დაფინანსებულია დავით ფეიქრიშვილის მიერ, მოზარდებში ისტორიული ცნობადობის გაზრდის მიზნით.
დამუშავებულია მილიონობით (საარქივო და სხვადასხვა გამომცემლების) დოკუმენტი,
თუ გაქვთ დამატებითი ინფორმაცია, ფოტომასალა გამოგვიგზავნეთ.
|
|
|
|
|
|
|
|
|
|
|
|
|
|
|
|
|
|
|
|
 წმინდა თამარის ჯვრის გადარჩენა დიაკვან არსენ სალუქვაძის დამსახურებაა 29.10.2015 "ეს ჯვარი დიდი საფრთხის წინაშეა. მოუფრთხილდით და შეინახეთ, ყურადღება მიადევნეთ აჭის ეკლესიას და როცა იქ მონასტრული ცხოვრება დაიწყება მხოლოდ მაშინ დააბრუნეთ ჯვარიო", -ეს ანდერძად ნათქვამი სიტყვები აჭის წმინდა გიორგის ტაძრის ბოლო დიაკვანს, არსენ სალუქვაძეს ეკუთვნის. მონასტერს ესტუმრა მამა არსენის შთამომავალი, ბატონი გიორგი სალუქვაძე და მოახსენა დიდი ბაბუის ანდერძი. შთამომავლობას ამ ჯვრის მნიშვნელობა და სიძველე არ სცოდნია, მაგრამ ღირსეულად შეასრულეს წინაპრის ანდერძი და ჯვარი მონასტრის გახსნის შემდეგ დაუბრუნეს თავის სამყოფელს. დიაკვანი არსენ ლაზარეს ძე სალუქვაძე 1848 წელს, ოზურგეთის რაიონის სოფელ ლიხაურის თემში დაიბადა. ის იყო ლაზარესა და აღათი სალუქვაძეების 9 შვილიანი ოჯახის უფროსი ვაჟი. ჰყავდა ერთი და - სოფიო და შვიდი ძმა: ჯარისმანი, ნიკოლოზი, ანტონი, ვარლამი, რომანოზი, იაკობი და კონსტანტინე. ეს უკანასკენლი სასულიერო პირი იყო. თურმე არსენ სალუქვაძე განსაკუთრებულად ეპყრობოდა აჭის ჯვარს. ის დიდმორწმუნე, სათნო და კეთილი კაცი ყოფილა. იმის შიშით, რომ ეჭვი არ შეეტანათ იმაში, რომ ჯვარი არსენს ჰქონოდა, სამოსელი გაუხდია და ოჯახით სოფელ აჭიდან სოფელ ბოხვაურში გადასახლებულა. ის მოთმინებით იტანდა თავს დატეხილ მრავალ განსაცდელს. შთამომავლობა ამბობს, რომ: "ბაბუა არსენი ამ ჯვარს ამოიდებდა უბეში, არც საჭმელს წაიღებდა არც სასმელს. ვიცოდით ტყისკენ რომ მიდიოდა. ხან ერთ კვირას, ხანაც მეტს დააყოვნებდა და მერე ისევ სახლში ბრუნდებოდა". მას წინასწარ უთქვამს თავისი ამ ქვეყნიდან გასვლა. ლოცვები წაუკითხავს, ოჯახის წევრები ოთახიდან გაუშვია, ტახტზე დაწოლილა, ხელები გულზე დაუწყვია და თავისი ნატანჯი სული შეუვედრებია უფილისათვის. ეს მოხდა 1953 წლის 5 მარტს. მაშინ არსენ სალუქვაძე 102 წლის იყო. ის დაკრძალულია აჭის წმინდა გიორგის სახელობის ეზოში.
|
 ღლონტი იოსები იღუმენი, ლიხაურის ეკლესიის წინამძღვარი. შემოქმედის ეპარქია, მოსახსენებელი 2008წ. გვ.66
ფოტო მოგვაწოდა ბერდიაკონმა გიორგი ბურჭულაძემ. საპატრიარქოს უწყებანი N49 31დეკემბერი-6იანვარი 2004წ გვ.6 ბერად აღკვეცა შემოქმედის ეპარქიაში 18 დეკემბერს ჯუმათის მამათა მონასტერში შემოქმედის ეპისკოპოსმა იოსებმა (კიკვიძე) ჯუმათის მამათა მონასტერში ბერად აღკვეცა ორი მორჩილი: ავთო ბუბუხადიას ეწოდა სახელი ელიზბარი, ხოლო ჯუმბერ ღლონტს იოსები საპატრიარქოს უწყებანი N5 4-10თებერვალი 2005წ გვ.4 ხელდასხმა 16 იანვარს შემოქმედელმა მთავარეპისკოპოსმა იოსებმა (კიკვაძე) შემოქმედის საკათედრო ტაძარში მღვდლად დაასხა ხელი ბერდიაკონ იოსებს (ღლონტი) და დაადგინა მღვდელმსახურად ლიხაურის ღვთისმშობლის შობის და აჭის წმიდა გიორგის სახელობის ეკლესიებში. დაჯილდოება 7 ოქტომბერს ოზურგეთის ყოვლადწმინდა ღვთისმშობლის მიძინების სახელობის საკათედრო ტაძარში, სრულიად საქართველოს კათოლიკოს-პატრიარქის ილია II-ის ლოცვა-კურთხევით, შემოქმედელმა მიტროპოლიტმა იოსებმა (კიკვაძე) ეკლესიაში ერთგული და ნაყოფიერი მოღვაწეობისათვის დააჯილდოვა ეპარქიის სამღვდელოება: არქიმანდრიტის წოდებით: ჯუმათის მთავარანგელოზთა სახელობის მამათა მონასტრის წინამძღვარი, იღუმენი მიქაელი (მეგენეიშვილი), მზიანის ფერისცვალების სახელობის დედათა მონასტრის წინამძღვარი, იღუმენი პეტრე (ანდღულაძე), უდაბნოს წმინდა იოანე ნათლისმცემლის სახელობის მამათა მო- ნასტრის წინამძღვარი, იღუმენი მარკოზი (გურგენიძე). ოქროს ჯვრითა და იღუმენის წოდებით: გრიგოლეთის წმინდა გრიგოლი ღვთისმეტყველის სახელობის მამათა მონასტრის წი-ნამძღვარი, მღვდელ-მონაზონი ზაბულონი (ხუბუკელაშვილი), შემოქმედის მაცხოვრის სახელობის მამათა მონასტრის წინამძღვარი, მღვდელ-მონაზონი ელიზბარი (ბაბუხადია), ლიხაურის ყოვლადწმინდა ღვთისმშობლის შობის ეკლესიისა და აჭის წმინდა გიორგის სახელობის მამათა მონასტრის წინამძღვარი მღვდელმონაზონი იოსები (ღლონტი). მიტრის ტარების უფლებით დაჯილდოვდა: ოზურგეთის _ ყოვლადწმინდა ღვთისმშობლის მიძინების სახელობის საკათედრო ტაძრის წინამძღვარი, დეკანოზი ბასილი კვირჩილაძე და ლანჩხუთის წმინდა იოანე ნათლისმცემლის სახელობის ეკლესიის წინამძღვარი დეკანოზი სვიმონი სვანიძე. დეკანოზის წოდებით: ერკეთის მთავარანგელოზთა სახელობის ეკლესიის წინამძღვარი თომა სიხარულიძე და შუხუთის წმინდა თომა მოციქულის სახელობის ეკლესიის წინამძღვარი საბა ჟღენტი. ოქროს ჯვრით: სამების ყოვლადწმინდა სამების სახელობის ეკლესიის წინამძღვარი, მღვდელი გიორგი ჟღენტი და ოზურგეთის ყოვლადწმინდა ღვთისმშობლის მიძინების სახელობის საკათედრო ტაძრის მღვდელმსახური, მღვდელი ბესარიონ ლომინეიშვილი. ტაძრის კურთხევა და დაჯილდოება 3 დეკემბერს შემოქმედელმა მიტროპოლიტმა იოსებმა (კიკვაძე) აკურთხა ოზურგეთის მუნიციპალიტეტის, სოფ. ჭანიეთის ცამეტი ასურელი მამის სახ. ტაძარი. იმავე დღეს სრულიად საქართველოს კათოლიკოს პატრიარქის, უწმინდესისა და უნეტარესის ილია II-ის ლოცვა-კურთხევით, მიტროპოლიტმა იოსებმა ეკლესიაში ერთგული სამსახურისათვის დააჯილდოვა ეპარქიის სამღვდელოება: იღუმენი იოსები (ღლონტი) აყვანილ იქნა არქიმანდრიტის ხარისხში; მღვდელ-მონაზონი იოსები (პეპინაშვილი) დაჯილდოვდა ოქროს ჯვრით და აყვანილ იქნა იღუმენის ხარისხში.
|
| ეკლესიის მსახურნი და შემწირველნი |
