კოკი (ზუგდიდი) წმიდა გიორგის ეკლესია
სულ რაოდენობა: 9
ბმულის კოპირებასაქართველოს ძეგლთა დაცვის კომიტეტის სპეციალურმა კომისიამ კოკის პირვანდელი ტაძრის აშენების თარიღად XII-XIII საუკუნეები მიიჩნია. ეს ტაძარი 1855 წელს რუსეთთურქეთის ომის დროს მტარვალებს დაუნგრევიათ. ომის შემდეგ იმავე ადგილას აუგიათ ხის ეკლესია, მაგრამ დროთა განმავლობაში ისიც დანგრეულა. ის, რისი დანგრევაც თურქებმა ვერ მოასწრეს, უღმრთო ხელისუფლებამ დაშალა და გაანადგურა.
1908 წლის მონაცემების მიხედვით, კორცხელის ოლქის მთავარხუცესის ზედამხედველობაში მყოფ ტაძრებში მსახურ სასულიერო პირთა შესახებ მონაცემებში მოხსენიებულია კოკის წმ. გიორგის
გვ134
სახელობის ეკლესია, მღვდელი ნესტორ ცხაკაია, მედავითნე ავქსენტი შონია და მამასახლისი მანუჩარ წულეისკირი.
ტაძრის აღდგენით სამუშაოებს ხელმძღვანელობდა დეკანოზი ფრიდონ ასათიანი, რომელიც ასევე იხდიდა პარაკლისებს.
ტაძრის ქტიტორის ანზორ (აბრაამ) ნარმანიას, თემურ ნარმანიას, ოთარ ქვარაიას, ბუაძეებისა და სოფლის მოსახლეობის მონაწილეობით
აშენდა კოკის წმ. გიორგის ტაძარი.
2003 წლის 21 ივლისს ზუგდიდისა და ცაიშის ეპისკოპოსმა გერასიმემ (შარაშენიძე) აკურთხა წმ. გიორგის ტაძარი.
ტაძრის წინამძღვარია მღვდელი გიორგი თოლორაია.
1877 წელს მოინათლა 63 ბავშვი, ჩატარდა 22 ჯვრისწერა
1887 წელს მოინათლა 26 ბავშვი, ჩატარდა 9 ჯვრისწერა
1898 წელს მოინათლა 22 ბავშვი, ჩატარდა 8 ჯვრისწერა
1908 წელს მოინათლა 26 ბავშვი, ჩატარდა 4 ჯვრისწერა
1916 წელს მოინათლა 26 ბავშვი, ჩატარდა 1 ჯვრისწერა
