ლია (მახარია, წალენჯიხა) წმიდა გიორგის ეკლესია
სულ რაოდენობა: 13
ბმულის კოპირებამახარიის წმინდა გიორგის ტაძარი
XIX საუკუნის მიწურულს სოფ. ლიის მოსახლეობას ტაძრის აშენება გადაუწყვეტია, მაგრამ საამისოდ ტერიტორია ვერ
შეურჩევია. მახარიის უბანში მცხოვრები კუხალეიშვილები სოფ. კინჩხიდან დადიანებს ჩამოუყვანიათ და ყოფილი ტაძრის მიმდებარე ტერიტორიაზე დაუსახლებიათ.
მათ ტაძრის ასაშენებლად თავიანთ კუთვნილებაში არსებული მიწა იმ პირობით შეუთავაზებიათ, თუ ტაძარი წმ. გიორგის სახელობის იქნებოდა. ღვთის შეწევნით,
დაპირებისამებრ, წაბლის ხის მასალისგან ულამაზესი წმ. გიორგის ტაძარი აუგიათ. ტაძარში პირველი მსახურება აღავლინა მღვდელმა პავლე ჭანტურიამ.
მისი ლოცვა-კურთხევით 1910 წლის სექტემბერში გაიხსნა მახარიის სამრევლო-საეკლესიო სკოლა, რომელიც დაქვემდებარებული იყო ზუგდიდის მაზრის
გვ150
სამეგრელო-გურიის ეპარქიალურ სასწავლო საბჭოს. ამ სკოლის გამგე-მასწავლებლად დანიშნეს სკოლის გახსნის ერთერთი ორგანიზატორი მიხეილ ფიფია.
ფიზიკური უძლურების გამო მამა პავლემ მსახურება ვერ შეძლო, ამიტომ ტაძარში მღვდელმსახურება გააგრძელა
მღვდელმა ნიკოლოზ ქუხილავამ. იგი დაკრძალულია ტაძრის სასაფლაოზე.
ათეიზმის ხანაში კომუნისტებს ტაძარი დაუნგრევიათ, მაგრამ უფალმა ტაძრის მოშლა არ ინება და ნაეკლესიარზე წმ.
გიორგის ტაძარი აშენდა. ამ საშვილიშვილო საქმეს სათავეში ჩაუდგა აწ განსვენებული, მხცოვანი მონაზონი დედა აკეფსიმა (ფიფია) და დაწყებული
საქმე ბოლომდე აღასრულა.
დედაომ მიაკვლია იმ სამშენებლო მასალას, რომლითაც პირვანდელი ტაძარი იყო აგებული და ისევ ტაძრის კუთვნილებაში დააბრუნა.
1984 წლის შემოდგომაზე ჭყონდიდის ეპისკოპოსმა ვახტანგმა (ახვლედიანი) აკურთხა ახლად აშენებული ტაძარი და
გვ151
დიდი ხნით შეწყვეტილი ღვთისმსახურება აღადგინა. ტაძარს მუდმივი ღვთისმსახური არ ჰყავდა და სხვადასხვა დროს
წირვა-ლოცვას აღავლენდნენ: დეკანოზი ამირან შენგელია, მღვდელი მიქაელ ასათიანი და დეკანოზი ანდრია კემულარია.
2000 წელს, ღვთის შეწევნით, ტაძარი გაფართოვდა და სარემონტო სამუშაოები ჩაუტარდა. ხის კანკელი ქვით შეიცვალა, კედლები შეიღება,
სახურავი გამოიცვალა. განახლებული ტაძარი ზუგდიდისა და ცაიშის მიტროპოლიტმა გერასიმემ აკურთხა და წინამძღვრად დაადგინა დეკანოზი
გაბრიელ გულორდავა, ხოლო 2003 წლიდან მახარიის ტაძრის წინამძღვარია დეკანოზი გალაკტიონ ფიფია.
1895 წელს მოინათლა 24 ბავშვი, ჩატარდა 6 ჯვრისწერა
1913 წელს მოინათლა 10 ბავშვი, ჩატარდა 6 ჯვრისწერა
