საბუთების მიხედვით იოსებ ტუსკია აღიარებულია ხელმწიფე გურიელის კარის მოძღვრად და საჯუმათლოს მომწყსოდ, ქორეპისკოპოსად და მეომოფრედ. ასევე არსებობს აფხაზეთის კათოლიკოს მაქსიმეს 1777 წ. ინსტრუქცია უდაბნოს მამა იოსებისა და ერკეთის წინამძღვარ ბესარიონისადმი. ამ ინსტრუქციით: მათ ევალებათ მოიხილონ გურიის ეკლესიები და თვალყური ადევნონ მათ კეთილსახიერებას და ასწავლონ მღვდლებს მათი მოვალეობა.

1448 ფონდი 1 ანაწერი 117. 1787 წ. 24 ნოემბერი.ყმის სითარხნისა და შეწირულების წიგნი, მიცემული რაჭის ერისთავ ანტონის მიერ გურიის ნათლიმცემლის უდაბნოს წინამძღვარ ანტონ აბაშიძისადმი. დამწერი ხოსია ბარათაშვილი

XVIII საუკუნის 90-იან წლებში იმერეთის მეფე სოლომონ II-ს მრავალძალის მონასტრის წინამძღვრად არქიმანდრიტი არსენი (გამყრელიძე) დაუნიშნავს. მამა არსენი აქ 1806 წლამდე მოღვაწეობდა, შემდეგ კი გურიაში, უდაბნოს წმინდა იოანე ნათლისმცემლის სახელობის მამათა მონასტრის წინამძღვრად გადაუყვანიათ, სადაც აღესრულა კიდეც 1829 წლის იანვარში. 

ტუსკია გაბრიელი, (1799, სოფელი აცანა, გურიის სამთავრო, 11. 09. 1881), საეკლესიო მოღვაწე, ეპისკოპოსი.

გთავაზობთ, 1846-1921 წლებში, სავანეში მოღვაწე წინამძღვრების ქრონოლოგიურ რიგს.

არქიმანდრიტი გაბრიელი (ტუსკია) - ?-1846-1856 წწ.

შემდგომში გურიის ეპისკოპოსი - 1860-1882 წწ.

არქიმანდრიტი თომა - 1857-1885 წწ.

არქიმანდრიტი გერასიმე - 1886-1900 წწ.

არქიმანდრიტი არსენი - 1901-1921 წწ.

უდაბნოს წმ. იოანე ნათლისმცემლის მამათა მონასტერი ასევე ცნობილი იყო თავისი საგანმანათლებლო მოღვაწეობით. წინათ სოფლებში სკოლები არ იყო და მსურველები აქ იძენდნენ განათლებას, სწავლობდნენ საღვთო სჯულს, ფილოსოფიას, ენებს, გალობას, კალიგრაფიას, მხატვრობას და სხვა. დიმიტრი ბაქრაძეს უდაბნოს სავანეში უნახავს ათამდე ბიჭი, რომლებიც წერა-კითხვას ეუფლებოდნენ. სკოლას ხელმძღვანელობდა მამა პორფირე (ქოჩაკიძე). სხვათაშორის აქ სწავლობდა ცნობილი ენათმეცნიერის აკაკი შანიძის ძმა და ბიძა.

უდაბნოს წინამძღვართან განსაკუთრებით ცნობილნი არიან: იოსებ ტუსკია, არსენ გამყრელიძე, გაბრიელ ტუსკია და პორფილე ქოჩაკიძე.

ბოლშევიკურმა რუსეთმა მოახდინა რა დამოუკიდებელი საქართველოს ანექსია, ბრძოლა გამოუცხადა საქართველოს ეკლესიას, არბევდა მონასტრებს, ხვრეტდა ბერებს. XX საუკუნის შუა წლებში საქართველოში მოქმედი მონასტერი თითქმის აღარ არსებობდა. უდაბნოს მონასტერმა მეოცე საუკუნის 50-იან წლებამდე იარსება. უკანასკნელი მამების ილარიონის, გიორგისა (მამა გიორგი მოკლეს) და დიაკონი ისიდორეს (ყაჭეიშვილი) გარდაცვალების შემდეგ მონასტერი კომუნისტების მიერ გაიძარცვა. განადგურდა ხელნაწერები, წიგნები, ხატები. გადარჩა მხოლოდ წმ. იოანე ნათლისმცემლის ვერცხლით მოჭედილი ხატი.

ანდღულაძე პეტრე არქიმანდრიტი, უდაბნოს წმ. იოანე ნათლისმცემლის  მონასტერი (XVIII ს.) 2005წ. შემოქმედის  ეპარქია, მოსახსენებელი 2008წ. გვ.66

ანდღულაძე პეტრე არქიმანდრიტი, შემოქმედის ეპარქია 2023წ. მდგომ.

2001 წელს შემოქმედელი მთავარეპისკოპოსის იოსების (კიკვაძე) ლოცვა-კურთხევით უდაბნოში აღდგა სამონასტრო ცხოვრება. აიგო ბერების საცხოვრებელი. მონასტრის წინამძღვრად განაწესეს იღუმენი პეტრე (ანდღულაძე).

გურგენიძე მარკოზი  არქიმანდრიტი, გურიის უდაბნოს წმინდა იოანე ნათლისმცემლის სახელობის მამათა მონასტრი, შემოქმედის ეპარქია 2023წ.მდგომ.

2005 წლის მარიამობის წინა დღეს 27 აგვისტოს მეუფე იოსების ლოცვა-კურთხევით დაიწყო უდაბნოს დანგრეული ტაძრის აღდგენა. ამავე წლის ოქტომბერში უდაბნოს მონასტრის წინამძღვრად დაინიშნა მამა მარკოზი (გურგენიძე).