უღმრთოთა მიერ დახურულ ტაძარს მფარველი გამოუჩნდა _ აწ განსვენებული სქემმონაზონი ქეთევანი (მებონია). იგი შვილივით უვლიდა და ელოლიავებოდა ტაძარს. დედა ქეთევანს ამ დროს გვერდში  ედგნენ გოჩა სამუშია (ამჟამად იღუმენი იოანე) და აწ განსვენებული იღუმენი ზაბულონი (თევდორე კვირკველია).

კოდორის ხეობის წმ. გიორგის მონასტერი (2001 წ.) წინამძღვარი: მღვდელმონაზონი ზაბულონი (კვირკველია)

კრებული: მღვდელმონაზონი ვარაქიელი (ვარდუკაძე), 2 ბერმონაზონი და მორჩილი

მისამართი: კოდორის ხეობა, სოფ. აჟარა

საპატრიარქოს უწყებანი N13 16-22აპრილი 2009წ გვ.10

დაჯილდოება

5 აპრილს თბილისის ყოვლადწმინდა სამების სახელობის საპატრიარქო ტაძარში სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ სასულიერო პირები დააჯილდოვა.

კერძოდ, ცხუმ-აფხაზეთის ეპარქიის სამღვდელოება:

მღვდელ-მონაზონი ზაბულონი (კვირკველია) — ოქროს ჯვრითა და იღუმენის წოდებით;  მღვდელ-მონაზონი ბიძინა (ქობალია) ― ოქროს ჯვრითა და იღუმენის წოდებით; მღვდელ-მონაზონი პიმენი (ქარდავა) — ოქროს ჯვრითა და იღუმენის წოდებით; ბერ-დიაკონი გიორგი (გურჩიანი) — არქიდიაკონის წოდებით. 

 საპატრიარქოს უწყებანი N19 19-25 მაისი 2011წ გვ.7

დაჯილდოება 

15 მაისს ყოვლადწმინდა სამების სახელობის საპატრიარქო ტაძარში სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ დააჯილდოვა მცხეთა-თბილისის ეპარქიის სამლვდელოება: გამშვენებული ჯვრით - ყოვლადწმინდა სამების სახელობის საპატრიარქო ლავრის მღვდელმსახური, იღუმენი ნიკოლოზი (კალანდაძე); გამშვენებული ჯვრით –– დიღმის ყოველთა ქართველთა წმინდანთა სახელობის ეკლესიის მღვდელმსახური, დეკანოზი კახაბერ ასათიანი; ოქროს ჯვრითა და იღუმენიას წოდებით ბედიანის ყოვლადწმინდა ღვთისმშობლის მიძინების სახელობის დედათა მონასტრის კეთილმოწესე, მონაზონი ანტონინა (რუხაძე).