დავითიანი (თარგამული, ზუგდიდი) მთავარანგელოზთა დასის ტაძარი
სულ რაოდენობა: 2
ბმულის კოპირება
სოფელ დავითიანის მთავარანგელოზთა დასის სახელობის ტაძრის მშენებლობას საფუძველი ჩაეყარა 2007 წელს. ტაძრის მშენებლობა დაიწყო ნაეკლესიარზე,
რომელიც XX საუკუნეში საბჭოთა პერიოდის ათეისტებმა დაანგრიეს. სოფლის უხუცესი თაობის გადმოცემით, ტაძარი მთავარანგელოზთა სახელობის ყოფილა. ზუგდიდისა და ცაიშის მიტროპოლიტ გერასიმეს (შარაშენიძე) ლოცვა-კურთხევით ტაძრის მშენებლობა დაიწყო ადგილობრივმა მკვიდრმა ბადრი აბაკელიამ.
ძირითადი სამუშაოები შესრულდა ადგილობრივი მოსახლეობის დახმარებით. მშენებლობის პერიოდში პარაკლისებს იხდიდა კახათის წმ. გიორგის ტაძრის წინამძღვარი, დეკანოზი გაბრიელ გულორდავა.
2012 წელს დასრულდა ტაძრის მშენებლობა. ზუგდიდისა და ცაიშის მიტროპოლიტმა გერასიმემ (შარაშენიძე) ამავე წლის 21 ნოემბერს, მთავარანგელოზობის დღესასწაულზე, აკურთხა ტაძარი და წინამძღვრად დაადგინა მღვდელი ირაკლი ძიმცეიშვილი, ხოლო 2017 წლის 30 ივლისს ზუგდიდისა და
გვ139
ცაიშის მიტროპოლიტმა გერასიმემ მთავარანგელოზთა დასის ტაძრის წინამძღვრად დაადგინა მღვდელი (ამჟამად დეკანოზი) ლაზარე ჯიქია.
ტაძრის ტერიტორიაზე მიმდინარეობს საკვირაო სკოლის მშენებლობა და ტაძრის მოხატვითი სამუშაოები. მოხატვას ასრულებენ ხატმწერები: ვლადიმერ ხუციშვილი და ხარება გოგაშვილი. საკურთხევლის მოხატვა და საჭირო ინვენტარებით მომარაგება უზრუნველყვეს მზია აბსანძემ და ლევან მესხიამ.
მიტროპოლიტ გერასიმეს ლოცვა-კურთხევით ტაძრის წინამძღვარი, დეკანოზი ლაზარე ჯიქია, სმენადაქვეითებულ ადამიანებთან კომუნიკაციის დასამყარებლად ჟესტურ ენას სწავლობს. სმენადაქვეითებულები თითქმის ყოველ კვირა დღეს დადიან ტაძარში, ჟესტურ ენაზე ისმენენ ლოცვებს და ეზიარებიან.
