თამაზ ტოროშელიძე დაიბადა 1956 წელს აზერბაიჯანში,ზაქათალის რაიონის სოფელ ალიაბადში.
იქვე დაამთავრა სკოლა და როგორც არაერთ საინგილოელ ქართველს,გულმა სამშობლოში გამოუწია. დაამთავრა თბილისის სახელმწიფო უნივერსიტეტის საქონელმცოდნეობის ფაკულტეტი.
აფხაზეთში წასვლას მამაზეციერიც ვერ დამიშლისო! – თქვა ოჯახში და დაინიშნა რკინიგზის მე-8 სპეცდანიშნულების ქვეგანაყოფის უფროსის მოადგილედ.
ვერც სამშობლოსთვის თავგანწირვა დაუშალა ვერავინ...
კაპიტანი თამაზ ტოროშელიძე გმირულად დაეცა სოხუმჰესის დაცვისას.
დატოვა მეუღლე და ორი შვილი.
სიკვდილის შემდეგ დაჯილდოვდა ვახტანგ გორგასლის I ხარისხის ორდენით.
თბილისში დამკვიდრდა სამუდამოდ... ნაძალადევის რაიონში დეპუტატის ქუჩას ეწოდა თამაზ ტოროშელიძის სახელი.
გადმოსვენებულია საბურთალოს ძმათა სასაფლაოზე.
