ელგუჯა გოგოხია
დაიბადა 1964 წლის 21 სექტემბერს ქ. ზუგდიდში. სწავლობდა N2 საშუალო სკოლაში. შემდეგ დაამთავრა სამხატვრო სკოლა, ტექნიკუმი,
სამხატვრო აკადემია და ასპირანტურა. სხვადასხვა დროს მუშაობდა ფაიფურის ქარხანაში მხატვრად, პედაგოგად _ სამხატვრო სკოლასა
და ი. ვეკუას სახელობის ინსტიტუტში.
2000 წლიდან ზუგდიდისა და ცაიშის ეპარქიის ხუროთმოძღვარ-არქიტექტორია.
არის 40-ზე მეტი ტაძრის პროექტის ავტორი და კონსულტანტი. აქვს შემოქმედებითი სახელოსნო, სადაც მუშაობს
სხვადასხვა მასალაზე: ფერადი ლითონის მოჭედვა, ხატწერა, ტაძრის ორნამენტული ჭრა, გრაფიკა და ფერწერა; აქვს
კერამიკისა და ფაიფურის დეკორატიული ნამუშევრების პირადი კოლექცია.
2000 წელს ზუგდიდის ცენტრალურ ბულვარში აღიმართა თორმეტმეტრიანი სტელა-ჯვარი. ეს მისი აკადემიაში ასპი
გვ212
რანტურის სადიპლომო ნამუშევარია. მის მიერ, 2000 წლიდან დღემდე, საქართველოს სხვადასხვა ქალაქში აღიმართა 180-ზე მეტი ქვა-ჯვარი.
ეპარქიის ტაძრებში ქვაზე გამოკვეთილი და აგებული აქვს 15 კანკელი; 2009 და 2015 წლებში მონაწილეობდა ექსპედიციაში, ზუგდიდის მუნიციპალიტეტის ტერიტორიაზე
არსებულ კულტურულ-არქიტექტურული ძეგლების მოძიება-გამოვლინებაში; მოწვეულ სპელეოლოგებთან ერთად დალაშქრული აქვს ზუგდიდის მუნიციპალიტეტის
ტერიტორიაზე არსებული 6 კარსტული მღვიმე. 2000 წელს სრულიად საქართველოს პატრიარქმა, უწმინდესმა და უნეტარესმა ილია II-მ ეკლესიისთვის გაწეული
ღვაწლისთვის დააჯილდოვა სიგელითა და ვერცხლის ჯვრით.
გვ213
