104. ქ. სიღნაღის წმინდა მიქაელ მთავარანგელოზის სახელობის საკათედრო ტაძარი - წინამძღვარი, სიღნაღის მაზრის | ოლქის მთავარხუცესი დეკანოზი სვიმონ ბეგიაშვილი

1835 წელს, მღვდლის ოჯახში დაიბადა.

1851-57 წლებში თბილისის სასულიერო სემინარიაში სწავლობდა.

1857 წლის 14 სექტემბერს ეგზარქოსმა ისიდორემ (ნიკოლსკი) დიაკვნად აკურთხა, ხოლო მეორე დღეს მღვდლად დაასხა ხელი და კახის წმინდა გიორგის სახელობის ეკლესიის წინამძღვრად დაინიშნა.

1858 წლის 24 იანვარს ყორაგანის სამრევლოში გადაიყვანეს. ამავე წლის 10 ოქტომბერს საგვერდულით დაჯილდოვდა და 1261 ინგილოს ქრისტიანულ სჯულზე მოქცევისათვის მოღვდელმთავრული მადლობა გამოეცხადა.

1859 წლის 21 აპრილს ზაქათალის ოლქის მთავარხუცესის თანაშემწედ დაინიშნა. ამავე წლის 26 მაისს თასმალოს სამრევლოში განამწესეს.

1862 წლის 20 აპრილს სკუფია უბოძეს.

1864 წლის 17 ივნისს ბოდბის ყოვლადწმინდა ღვთისმშობლის სახელობის ეკლესიაში გადმოიყვანეს.

1868 წლის 10 იანვარს ნუხის წმინდა სამი მღვდელმთავრის სახელობის ეკლესიის წინამძღვრად დაინიშნა. ამავე წლის 5 თებერვალს ნუხის საქალაქო სასწავლებლის ზედამხედველად დაადგინეს.

1873 წლის 8 აპრილს კამილავკით დაჯილდოედა.

1876 წლის 31 აგვისტოს სიღნაღის წმინდა მიქაელ მთავარანგელოზის სახელობის ეკლესიის წინამძღვრად განამწესეს. ამავე წლის 12 ოქტომბერს სიღნაღის საქალაქო სასწავლებელში საღვთო სჯულის მასწავლებლად დაინიშნა.

1880 წლის 26 მაისს სამკერდე ოქროს ჯვრით დაჯილდოვდა.

ამავე წლის 25 სექტემბერს სიღნაღის სანთლის ქარხნის მმართველად აირჩიეს.

1883 წლის აგვისტოში დეკანოზის წოდება მიენიჭა.

1884 წლის 29 თებერვალს სიღნაღის მაზრის II ოლქის მთავარხუცესად დაინიშნა.

1889 წლის 26 მაისს წმინდა სინოდმა მადლობის სიგელი - გრამოტის გარეშე უწყალობა.

1890 წლის 21 აპრილს წმინდა ანას III ხარისხის ორდენით დაჯილდოვდა.

1893 წელს იმპერატორ ალექსანდრე III სამახსოვრო ვერცხლის მედლით დაჯილდოვდა.

1899 წლის 25 აპრილს ბრილიანტის თვლებით შემკული ჯვრებით დაჯილდოვდა, ხოლო ამავე წლის 6 მაისს - წმინდა ანას II ხარისხის ორდენი უბოძეს.

1902 წლის 26 ოქტომბერს მოხუცებულობის გამო გადადგა შტატიდან.

1903 წლის 15 ოქტომბერს სანთლის ქარხანაში სამაგალითო

გვ202

და დამსახურებული სამსახურისათვის საეპარქიო საბჭოს მადლობა გამოუცხადა.

1905 წლის 29 იანვარს ეკლესიაში 47 წლიანი და სამრევლო საეკლესიო სკოლაში 35 წლიანი ხანგრძლივი და ერთგული სამსახურისათვის წმინდა ვლადიმერის IV ხარისხის ორდენით დაჯილდოვდა.

1914 წლის 6 მაისს ენქერი უბოძეს.

1916 წლის აღდგომას წმინდა ვლადიმერის III ხარისხის ორდენით დაჭჯილდოვდა. დეკანოზი სვიმონი 1917 წლის 13 მარტს (ძვ. სტ.) გარდაიცვალა. იგი 18 მარტს სიღნაღის წმინდა გიორგის სახელობის ეკლესიის სასაფლაოზე დაასაფლავეს. ჰყავდა მეუღლე ნინო იოლის ასული ბეგიაშვილისა, რომელთანაც 4 შვილი - ბასილი, კონსტანტინე, თამარი და ელენე შეეძინა.

ყულოშვილი მიხეილ-მიქაელ მღვდელი

გამახარაშვილი  იოანე მღვდელი

1865წ. კახი (ჰერეთი) წმიდა გიორგის ეკლესია

მიხეილ ყულოშვილის ერთადერთი ვაჟიშვილი, სასულიერო სემინარიის კურსდამთავრებული ნიკოლოზი მაჩხაანში მასწავლებლობდა, მაგრამ საინგილოში ქრისტიანობის გაძლიერების მიზნით მიხეილმა 1892 წლის მაისში იგი მღვდლად აკურთხებინა და კახის წმინდა გიორგის სახელობის ეკლესიის მეორე მღვდლად დაინიშნა. მღვდელი ნიკოლოზი 1895 წლის შემოდგომაზე ფილტვების ანთებით გარდაიცვალა. 

მღვდელი ნიკოლოზ ყულოშვილი და მისი მეუღლე სოფიო კონჭოშვილი;

 1924 წლის 16 მარტს თბილისის „გრუზჩეკის“ წარმომადგენელნი კ. ჯაფარიძე და ა. კუჩეროვი -- წილკნის საკათედრო ტაძარს მიადგნენ და იქ არსებული საეკლესიო განძეულობა და ნივთები ჩამოართვეს ეკლესიის წინამძღვარს, დეკანოზ ლევან ზაქარიაშვილს.

ჯინჭველაძე გრიგოლ (გიორგი) გაბრიელის ძე,  1863-1934წწ. წინამძღვარი მღვდელი, მოღვ. თიანეთის წმინდა გიორგის  ეკლესია, სამაზრო სკოლების მეთვალყურე.  დაბ. სოფ. მუსხი ახალციხე

ჯინჭველაძე გიორგი (მღვდელი) სოფ. ბარალეთი ჯავახეთი. ივერია 1895.-6 იანვარი, N4, გვ.2.

ანდრიაშვილი იოანე ანტონის ძე მღვდელი

წიკლაური მალაქია ბერი (მათე სიმონის ძე), იღუმენი, 1871-1937წწ

ჯამბაზიშვილი გაბრიელი (იოსებ ) თამაზის ძე არქიმანდრიტი დ. 1972წ. დაბ. ბორჯომი ბერად აღკვეცა 1998წ. მღვდელ მონაზონი 1999წ ლაგოდეხის ყაზანის ღვთიმშობლის ხატის ეკლესია, 1999-2006წწ გრემის მონატრის წინამძღვარი  2004 წლის 20 მაისს ორმა პარიარქმა, უწმიდესმა და უნეტარესმა ილია II და გერმანე (ამერიკის პატრიარქი) დააჯილდოვეს გამშვენებული ჯვრით. 2006-2008წწ კახის წმიდა გიორგის წინამძღვარი, 2009 წლიდან ციხიჯვარის მონასტრის წინამძღვარი. ფოტო 2009წ. ციხისჯვარი (ბორჯომი) წმ. თომას/წმ. თეოდორე ტირონის ეკლესია 2004-2005წ. ხირსა (სიღნაღი) მამათა მონსტერი.

 საპატრიარქოს უწყებანი N10 4-11 აპრილი 2007წ  გვ. 15

25 მარტს, თბილისის წმინდა მარიამ ეგვიპტელის სახელობის ახლად დაარსებულ მონასტერში (თბილისის ზღვის მახლობლად) არქიმანდრიტმა საბამ (კუჭავა) ბერად აღკვეცა მორჩილი ლევან თეთრუაშვილი და სახელად უწოდა დემეტრე. იმავე დღეს, თბილისის, ახლად დაარსებულ, ხარების სახელობის მონასტერში (მდებარეობს ჩუღურეთის რაიონში, კვირაცხოვლობის ტაძრის მახლობლად) არქიმანდრიტმა საბამ (კუჭავა) ბერად აღკვეცა მორჩილი ავთანდილ კუჭავა და სახელად უწოდა აარონი. 

საპატრიარქოს უწყებანი N25 29ივნისი-6ივლისი 2011წ გვ.4

ხელდასხმა 

12 ივნისს დედოფლისწყაროს ყოვლადწმინდა ღვთისმშობლის ტაძრად მიყვანების სახელობის საკათედრო ტაძარში დედოფლისწყაროსა და ჰერეთის ეპისკოპოსმა მელქისედეკმა (ხაჩიძე) მღვდლად დაასხა ხელი ყოვლადწმინდა სამების სახელობის საპატრიარქო ტაძრის ბერ-დიაკონ დემეტრეს (თეთრუაშვილი). მღვდელ-მონაზონი დემეტრე კახის წმინდა გიორგის სახელობის ეკლესიაში იმსახურებს.

საპატრიარქოს უწყებანი N19 17-23მაისი 2012წ გვ.9

დაჯილდოება

13 მაისს, ყოვლადწმინდა სამების საპატრიარქო ტაძარში სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ ოქროს ჯვრითა და იღუმენის წოდებით დააჯილდოვა კახის წმინდა გიორგის სახელობის ეკლესიის მღვდელ-მონაზონი დემეტრე (თეთრუაშვილი).

საპატრიარქოს უწყებანი  N21 30მაისი-5ივნისი 2013წ გვ.6

აღკვეცა

26 აპრილს დედოფლისწყაროს წმინდა ილია თეზბიტელის სახელობის მამათა მონასტერში ხორნაბუჯისა და ჰერეთის ეპისკოპოსმა მელქისედეკმა (ხაჩიძე) ბერად აღკვეცა ამავე მონასტრის მორჩილი ბასილი და სახელად მიქაელი უწოდა (წმინდა ახალმოწამე მიქაელ ყულოშვილის სახელზე).