ჩაჩანიძე  გრიგოლ იოვანეს ძე, 1864-1871წწ. მოძვის გიორგის ეკლესია, 1881-87 წლებში პერევისის წმ. გიორგის ეკლესიის მღვდელი.

ჩაჩანიძე გრიგოლ იოანეს ძე 1864-71 წლებში  სოფ. მოძვის წმ. გიორგის, 1872-81 წლებში  სოფ. ზოდის წმ. გიორგის  ეკლესიის მღვდელი.

ტყემალაძე გრიგოლ ალექსის ძე, 1872-1926 წწ. წინამძღვარი მღვდელი, სოფელ შილდის ყოვალდწმინდა ღვთისმშობლის მიძინების სახელობის ეკლესია (თელავის მაზრა) სოფელ შუა ფხოვის წმინდა გიორგის სახელობის ეკლესია ბიოგრაფია 1902წ. მუქო (მუქუ) (უკანაფშავი, დუშეთი) ღვთიმშობლის მიძინების ეკლესია 1900, 1911წ. შუაფხო (უკანაფშავი, დუშეთი) წმიდა გიორგის ეკლესია

130. სოფელ შილდის ყოვალდწმინდა ღვთისმშობლის მიძინების სახელობის ეკლესია (თელავის მაზრა) - წინამძღვარი მღვდელი გრიგოლ ალექსის ძე ტყემალაძე

1872 წელს, მღვდლის ოჯახში დაიბადა. დაამთავრა ქუთაისის სასულიერო სასწავლებელი.

1892 წლის 7 მაისს იმერეთის ეპისკოპოსმა გაბრიელმა (ქიქოძე) მოძვის წმინდა გიორგის სახელობის ეკლესიის მედავითნედ განამწესა.

1896 წლის 7 მაისს იმერეთის ეპისკოპოსმა ბესარიონმა (დადიანი) შუქრუთის წმინდა მარინეს სახელობის ეკლესიაში გადაიყვანა.

1898 წლის 1 ივლისს ქუთაისის სასულიერო სემინარიასთან არსებულ სამღვდელო პირთა კურთხევის კომისიაზე გამოცდები ჩააბარა.

1899 წლის 6 მარტს ეგზარქოსმა ფლაბიანემ (გოროდეცკი) დიაკვნად აკურთხა, მეორე დღეს კი - მღვდლად დაასხა ხელი და შუა ფხოვის წმინდა გიორგის სახელობის ეკლესიის წინამძღვრად დანიშნა.

1899 წლის 17 მაისს ფშავ-ხევსურეთის II ოლქის სამღვდელოებამ საეპარქიო კრებაზე დასასწრებ დეპუტატად გამოირჩია.

1902 წლის 15 ივლისს ამავე ოლქის სამღვდელოების სულიერ მოძღერად დაინიშნა.

1907 წლის 18 მაისს ფშავ-ხევსურეთიხს II ოლქის მთავარხუცესის თანაშემწედ დაადგინეს.

1908 წლის აღდგომას საგვერდულით დაჯილდოვდა. ამავე წლის 8 დეკემბერს, ბაქოს ეპისკოპოსმა გრიგოლმა (ვახნინი), რომელიც დროებით მართავდა საქართველოს საეგზარქოსოს, მამა გრიგოლი მთავარხუცესის მოვალეობის დროებით შემსრულებლად დანიშნა.

1910 წლის 17 მარტს ოლქის სამღვდელოებამ საეპარქიო კრებაზე დასასწრებ დეპუტატად გამოირჩიეს.

1911 წლის 1 აგვისტოს საყდრიონის წმინდა გიორგის სახელობის ეკლესიის წინამძღვრად გადაიყვანეს. ამავე წლის 15 ნოემბერს საყდრიონის სამრევლო-საეკლესიო სკოლის საღვთო სჯულის მასწავლებლად და | ოლქის სამღვდელოების დეპუტატად დაინიშნა.

1913 წლის აღდგომას სკუფიით დაჯილდოვდა. მონაწილეობდა 1917 წლის 11-17 სექტემბერს გამართულ საქართველოს სამოციქულო ეკლესიის | საეკლესიო კრებაზე.

XX საუკუნის 20-იანი წლების დასაწყისში თავისი თხოვნის საფუძველზე, ქუთაის-გაენათის ეპარქიაში, საჩხერის რაიონის, სოფელ ჩხიროულის წმინდა გიორგის სახელობის ეკლესიის წინამძღვრად გადაიყვანეს.

1926 წლის აგვისტოში წილკნის ეპარქიაში, სოფელ ანანურის ყოვალდწმინდა ღვთისმშობლის მიძინების სახელობის ეკლესიის წინამძღვრად დაადგინეს. მღვდელი გრიგოლი 1926 წლის 4 ნოემბერს გარდაიცვალა.

ნოზაძე  ონოფრე (ოთარ) ომარის ძე მღვდელი 

წიგნი: საქმემან შენმან. ჭიათურა საჩხერე 2023წ. გვ. 57

მღვდელი ონოფრე (ერისკაცობაში ოთარ ნოზაძე) დაიბადა 1977 წლის 30 აპრილს ქალაქ რუსთავში. 1995 წელს აქვე დაამთავრა მე-15 სამუალო სკოლა.

2007-2011 წლებში სწავლობდა საფარის წმინდა გრიგოლ ხანძთელის სახელობის სემინარიაში, რომლის დასრულების შემდეგაც დაბრუნდა მშობლიურ სოფელ მოძვში და განაგრძო აქტიური სულიერი მოღვაწეობა.

2012 წელს დაქორწინდა. ჰყავს მეულლე და 3 ვაჟი.

2014 წლის 14 აგვისტოს ჭიათურისა და საჩხერის მიტროპოლიტმა დანიელმა დიაკვნად დაასხა ხელი წმინდა ნინოს სახელობის საკათედრო ტაძარში და დაადგინა სოფელ კორბოულში მამა ნიკოლოზთან, ძლევის წმინდა გიორგის სახელობის ეკლესიაში.

2015 წლის 1 ნოემბერს იმავე ტაძარში აკურთხა მღვდლად და განაწესა სოფელ მოძვის წმინდა გიორგის სახ. ეკლესიის წინამძღვრად. ამჟამად არის სოფელ მოძვისა და სოფელ ჯალაურთის წმინდა გიორგის სახელობის ეკლესიების წინამძღვარი.