ჭუმბურიძე იოსებ იოანეს ძე 1883-84 წლებში  კაცხის წმ. გიორგის ეკლესიის მღვდელი,  1926 წლის 27 აპრილს სოფ. ეწერის (ჯვარ-ეწერის) მაცხოვრის ეკლესიის მღვდელი  გარდაიცვალა.

ჯვარიეწერზე ადრე ყოფილა ეკლესია შემდეგ დაანგრიეს და სკოლა ააშენეს.როგორც მამა ამბობდა იმ ეკლესიაში წერაკითხას ასწავლიდნენ იოსები ხელმძღვანელობდა.

მოგონება და ფოტო მოგვაწოდა 21 მარტი 2026წ. მარიკა გოდერძის ასული კუპატაძემ. გოდერძის ძმა დიჟონი, მათი დედა მარიამ ჭუმბურიძე, მარიამის მამა იოანე (ვანო) მამა იოსების შვილი;

კახეთელიძე სიმონ იოსების ძე 1894-1905 წლებში  სოფ. გუმათის მთავარანგელოზის ეკლესიის მღვდელი. 1887-1894 წლებში კა­ჩა­ე­თის მთა­ვა­რან­გე­ლოზ­თა ეკლესიის, 1910-17 წლებში კაცხის წმ. გიორგის ეკლესიის  მღვდელი გარდ. († 1942)

 არქიმანდრიტი სვიმეონი (ეზიაშვილი). დაიბადა 1984 წლის 18 აგვისტოს, ქ. თბილისში.

დაამთავრა თბილისის 174-ე საშუალო სკოლა. 2006 წელს კი გორის სახელმწიფო უნივერსიტეტის ეკონომიკის ფაკულტეტი.

2008-2009 წ.წ. სწავლობდა თბილისის სასულიერო სემინარიაში.

2011 წ. გახდა კაბოსანი მორჩილი მარტყოფის ღვთაების მამათა მონასტერში და ეწოდა ანდრია.

2012 წ. შეუერთდა კაცხის სვეტის მამათა მონასტერს. 2014 წ. 6 აპრილს აღიკვეცა მონაზვნად სვიმეონის სახელით.

2014 წ. 22 აპრილი ___ ბერდიაკვნად კურთხევა.

2015 წ. 28 ივნისი ___ მღვდელმონაზვნად ხელდასხმა და ჯრუჭის მამათა მონასტერში დადგინდება.

2021 წ. 25 აპრილი ___ იღუმენის ხარისხი.

2024 წ. 23 მაისს აყვანილ იქნა არქიმანდრიტის ხარისხში.

ამჟამად არქიმანდრიტი სვიმეონი გახლავთ ჯრუჭის წმ. გიორგის სახელობის მამათა მონასტრის წინამძღვარი.

წყარო: ჭიათურისა და საჩხერის ეპარქიის ოფიციალური გვერდი;

წიგნი: საქმემან შენმან. ჭიათურა საჩხერე 2023წ. გვ.  40

იღუმენი სვიმეონი (ეზიაშვილი) იღუმენი სვიმეონი (ერისკაცობაში ავთანდილ ეზიაშვილი) დაიბადა 1984 წლის 18 აგვისტოს ქ. თბილისში. დაამთავრა თბილისის

174-ე საშუალო სკოლა.

2002 წელს დაამთავრა კოლეჯ „მერიდიანის“ სტომატოლოგიური ფაკულტეტი, 2006 წელს კი – გორის სახელმწიფო უნივერსიტეტის ეკონომიკის ფაკულტეტი.

2008-2009 წლებში სწავლობდა თბილისის სასულიერო სემინარიაში. სწავლა შეწყვიტა მონასტერში წასვლის სურვილით და მივიდა მარტყოფის ღვთაების მამათა მონასტერში. 2011 წელს შეიმოსა მორჩილის კაბით და ეწოდა სახელი ანდრია. 2012 წელს გადმოვიდა კაცხის მამათა მონასტერში. 

2014 წლის 6 აპრილს აღკვეცეს მონაზვნად წმ. სვიმეონ მესვეტის სახელით. ამავე წლის 22 აპრილს აკურთხეს ბერ-დიაკვნად.

2015 წლის 28 ივნისს საჩხერის წმ. ნინოს საკათედრო ტაძარში ხელდასხმულ იქმნა მღვდელ-მონაზვნად და განაწესეს ჯრუჭის მონასტერში.

2021 წლის 25 აპრილს, ბზობის დღესასწაულზე, თბილისის წმ. სამების საკათედრო ტაძარში მიტროპოლიტ დანიელის წარდგენით აღიყვანეს იღუმენის ხარისხში. მოღვაწეობას განაგრძობს ჯრუჭის მონასტერში.

სარალიძე ალექსანდრე მღვდელი კაცხის წმინდა დიდმოწამე გიორგის სახელობის ტაძარი 2023წ. 

2023 წლის 11 ოქტომბერს, ჭიათურისა და საჩხერის მიტროპოლიტმა დანიელმა (დათუაშვილი) ნაგუთის ყოვლადწმინდა ღვთისმშობლის ხარების სახელობის ტაძარში მღვდლად დაასხა ხელი დიაკონ ალექსანდრე სარალიძეს.

მღვდელი ალექსანდრე იმსახურებს ჭიათურის მუნიციპალიტეტის სოფელ კაცხის წმინდა დიდმოწამე გიორგის სახელობის ტაძარში.

წიგნი: საქმემან შენმან. ჭიათურა საჩხერე 2023წ. გვ. 69

დიაკვანი ალექსანდრე (სარალიძე) დაიბადა 1983 წლის 18 მაისს ქალაქ თბილისში.

2000 წელს დაამთავრა N172-ე საშ. სკოლა (ვაზისუბანი). იმავე წელს ჩააბარა საქართველოს ტექნიკურ უნივერსიტეტში, სამთო-გეოლოგიურ ფაკულტეტზე, ნავთობის მიმართულებით.

2006 წელს გაიცნო დეკანოზი გურამ გურამიშვილი და გახდა მისი მრევლი.

2008 წელს ვაზისუბნის 9 ყრმა კალოელთა სახელობის ტაძარში შემოსეს სტიქრით.

2009 წელს მღვდელ გურამის კურთხევით წავიდა რუის-ურბნისის ეპარქიაში, ძამის ხეობის მონასტერში, სადაც დაყო წელიწადნახევრი და შეისწავლა მედავითნეობა.

2011 წელს საცხოვრებლად გადავიდა ჭიათურის მუნიციპალიტეტის სოფ. კაცხში, მშობლიურ სოფელში. იმავე წელს კაცხის მაცხოვრის შობის ტაძარში დაიწყო მედავითნეობა, დეკანოზ ამირან მოდებაძესთან, და იმსახურა 10 წლის განმავლობაში.

2022 წელს, დეკანოზ გურამ გურამიშვილის რეკომენდაციითა და არქიმანდრიტ ილარიონ კვირიაშვილის შუამდგომლობით, ჭიათურისა და საჩხერის მიტროპოლიტმა დანიელმა მიიღო გადაწყვეტილება, ეკურთხებინა დიაკვნად.

2022 წლის მაისში თიანეთისა და ფშავხევსურეთის ეპარქიაში, მიტროპოლიტ დანიელის ლოცვა-კურთხევით, დიაკვნად ხელი დაასხა ეპისკოპოსმა მიქაელმა.

2023 წლის 11 ოქტომბერს ჭიათურის ნაგუთის ყოვლადწმინდა ღვთისმშობლის ხარების სახელობის ტაძარში აკურთხეს მღვდლად. იმსახურებს სოფელ კაცხის წმ. გიორგის სახელობის ტაძარში. ჰყავს მეუღლე და ორი მცირეწლოვანი შვილი.

ჭიათურა. დიდი კაცხის წმინდა გიორგის სახელობის ტაძარი. აგებულია XIX საუკუნის 70-იან წლებში, წმინდა მღვდელმთავარ გაბრიელის (ქიქოძე) ლოცვა-კურთხევით. მე 20 საუკუნის დასაწყისში ტაძარი დაზიანდა,

აღადგინეს 2001-2003 წლებში, ადგილობრივი მკვიდრის, ელდარ ბაზღაძის ოჯახის ფინანსური მხარდაჭერით.

წყარო მარინე დემეტრაშვილი; გვ. 93